༢ ཀརིནྠིནཿ 8

1

2

3

4

5

6

7

8

9

10

11

12

13

¹ཧེ བྷྲཱཏརཿ, མཱཀིདནིཡཱདེཤསྠཱསུ སམིཏིཥུ པྲཀཱཤིཏོ ཡ ཨཱིཤྭརསྱཱནུགྲཧསྟམཧཾ ཡུཥྨཱན྄ ཛྙཱཔཡཱམི།

²ཝསྟུཏོ བཧུཀླེཤཔརཱིཀྵཱསམཡེ ཏེཥཱཾ མཧཱནནྡོ྅ཏཱིཝདཱིནཏཱ ཙ ཝདཱནྱཏཱཡཱཿ པྲཙུརཕལམ྄ ཨཕལཡཏཱཾ།

³ཏེ སྭེཙྪཡཱ ཡཐཱཤཀྟི ཀིཉྩཱཏིཤཀྟི དཱན ཨུདྱུཀྟཱ ཨབྷཝན྄ ཨིཏི མཡཱ པྲམཱཎཱིཀྲིཡཏེ།

⁴ཝཡཉྩ ཡཏ྄ པཝིཏྲལོཀེབྷྱསྟེཥཱཾ དཱནམ྄ ཨུཔཀཱརཱརྠཀམ྄ ཨཾཤནཉྩ གྲྀཧླཱམསྟད྄ བཧུནུནཡེནཱསྨཱན྄ པྲཱརྠིཏཝནྟཿ།

⁵ཝཡཾ ཡཱདྲྀཀ྄ པྲཏྱཻ×ཀྵཱམཧི ཏཱདྲྀག྄ ཨཀྲྀཏྭཱ ཏེ྅གྲེ པྲབྷཝེ ཏཏཿ པརམ྄ ཨཱིཤྭརསྱེཙྪཡཱསྨབྷྱམཔི སྭཱན྄ ནྱཝེདཡན྄།

⁶ཨཏོ ཧེཏོསྟྭཾ ཡཐཱརབྡྷཝཱན྄ ཏཐཻཝ ཀརིནྠིནཱཾ མདྷྱེ྅པི ཏད྄ དཱནགྲཧཎཾ སཱདྷཡེཏི ཡུཥྨཱན྄ ཨདྷི ཝཡཾ ཏཱིཏཾ པྲཱརྠཡཱམཧི།

⁷ཨཏོ ཝིཤྭཱསོ ཝཱཀྤཊུཏཱ ཛྙཱནཾ སཪྻྭོཏྶཱཧོ ྅སྨཱསུ པྲེམ ཙཻཏཻ རྒུཎཻ ཪྻཱུཡཾ ཡཐཱཔརཱན྄ ཨཏིཤེདྷྭེ ཏཐཻཝཻཏེན གུཎེནཱཔྱཏིཤེདྷྭཾ།

⁸ཨེཏད྄ ཨཧམ྄ ཨཱཛྙཡཱ ཀཐཡཱམཱིཏི ནཧི ཀིནྟྭནྱེཥཱམ྄ ཨུཏྶཱཧཀཱརཎཱད྄ ཡུཥྨཱཀམཔི པྲེམྣཿ སཱརལྱཾ པརཱིཀྵིཏུམིཙྪཏཱ མཡཻཏཏ྄ ཀཐྱཏེ།

⁹ཡཱུཡཉྩཱསྨཏྤྲབྷོ ཪྻཱིཤུཁྲཱིཥྚསྱཱནུགྲཧཾ ཛཱནཱིཐ ཡཏསྟསྱ ནིརྡྷནཏྭེན ཡཱུཡཾ ཡད྄ དྷནིནོ བྷཝཐ ཏདརྠཾ ས དྷནཱི སནྣཔི ཡུཥྨཏྐྲྀཏེ ནིརྡྷནོ྅བྷཝཏ྄།

¹⁰ཨེཏསྨིན྄ ཨཧཾ ཡུཥྨཱན྄ སྭཝིཙཱརཾ ཛྙཱཔཡཱམི། གཏཾ སཾཝཏྶརམ྄ ཨཱརབྷྱ ཡཱུཡཾ ཀེཝལཾ ཀརྨྨ ཀརྟྟཾ ཏནྣཧི ཀིནྟྭིཙྪུཀཏཱཾ པྲཀཱཤཡིཏུམཔྱུཔཱཀྲཱབྷྱདྷྭཾ ཏཏོ ཧེཏོ ཪྻུཥྨཏྐྲྀཏེ མམ མནྟྲཎཱ བྷདྲཱ།

¹¹ཨཏོ ྅དྷུནཱ ཏཏྐརྨྨསཱདྷནཾ ཡུཥྨཱབྷིཿ ཀྲིཡཏཱཾ ཏེན ཡདྭད྄ ཨིཙྪུཀཏཱཡཱམ྄ ཨུཏྶཱཧསྟདྭད྄ ཨེཀཻཀསྱ སམྤདནུསཱརེཎ ཀརྨྨསཱདྷནམ྄ ཨཔི ཛནིཥྱཏེ།

¹²ཡསྨིན྄ ཨིཙྪུཀཏཱ ཝིདྱཏེ ཏེན ཡནྣ དྷཱཪྻྱཏེ ཏསྨཱཏ྄ སོ྅ནུགྲྀཧྱཏ ཨིཏི ནཧི ཀིནྟུ ཡད྄ དྷཱཪྻྱཏེ ཏསྨཱདེཝ།

¹³ཡཏ ཨིཏརེཥཱཾ ཝིརཱམེཎ ཡུཥྨཱཀཉྩ ཀླེཤེན བྷཝིཏཝྱཾ ཏནྣཧི ཀིནྟུ སམཏཡཻཝ།

¹⁴ཝརྟྟམཱནསམཡེ ཡུཥྨཱཀཾ དྷནཱདྷིཀྱེན ཏེཥཱཾ དྷནནྱཱུནཏཱ པཱུརཡིཏཝྱཱ ཏསྨཱཏ྄ ཏེཥཱམཔྱཱདྷིཀྱེན ཡུཥྨཱཀཾ ནྱཱུནཏཱ པཱུརཡིཥྱཏེ ཏེན སམཏཱ ཛནིཥྱཏེ།

¹⁵ཏདེཝ ཤཱསྟྲེ྅པི ལིཁིཏམ྄ ཨཱསྟེ ཡཐཱ, ཡེནཱདྷིཀཾ སཾགྲྀཧཱིཏཾ ཏསྱཱདྷིཀཾ ནཱབྷཝཏ྄ ཡེན ཙཱལྤཾ སཾགྲྀཧཱིཏཾ ཏསྱཱལྤཾ ནཱབྷཝཏ྄།

¹⁶ཡུཥྨཱཀཾ ཧིཏཱཡ ཏཱིཏསྱ མནསི ཡ ཨཱིཤྭར ཨིམམ྄ ཨུདྱོགཾ ཛནིཏཝཱན྄ ས དྷནྱོ བྷཝཏུ།

¹⁷ཏཱིཏོ྅སྨཱཀཾ པྲཱརྠནཱཾ གྲྀཧཱིཏཝཱན྄ ཀིཉྩ སྭཡམ྄ ཨུདྱུཀྟཿ སན྄ སྭེཙྪཡཱ ཡུཥྨཏྶམཱིཔཾ གཏཝཱན྄།

¹⁸ཏེན སཧ ཡོ྅པར ཨེཀོ བྷྲཱཏཱསྨཱབྷིཿ པྲེཥིཏཿ སུསཾཝཱདཱཏ྄ ཏསྱ སུཁྱཱཏྱཱ སཪྻྭཱཿ སམིཏཡོ ཝྱཱཔྟཱཿ།

¹⁹པྲབྷོ རྒཽརཝཱཡ ཡུཥྨཱཀམ྄ ཨིཙྪུཀཏཱཡཻ ཙ ས སམིཏིབྷིརེཏསྱཻ དཱནསེཝཱཡཻ ཨསྨཱཀཾ སངྒིཏྭེ ནྱཡོཛྱཏ།

²⁰ཡཏོ ཡཱ མཧོཔཱཡནསེཝཱསྨཱབྷི ཪྻིདྷཱིཡཏེ ཏཱམདྷི ཝཡཾ ཡཏ྄ ཀེནཱཔི ན ནིནྡྱཱམཧེ ཏདརྠཾ ཡཏཱམཧེ།

²¹ཡཏཿ ཀེཝལཾ པྲབྷོཿ སཱཀྵཱཏ྄ ཏནྣཧི ཀིནྟུ མཱནཝཱནཱམཔི སཱཀྵཱཏ྄ སདཱཙཱརཾ ཀརྟྟུམ྄ ཨཱལོཙཱམཧེ།

²²ཏཱབྷྱཱཾ སཧཱཔར ཨེཀོ ཡོ བྷྲཱཏཱསྨཱབྷིཿ པྲེཥིཏཿ སོ྅སྨཱབྷི རྦཧུཝིཥཡེཥུ བཧཝཱརཱན྄ པརཱིཀྵིཏ ཨུདྱོགཱིཝ པྲཀཱཤིཏཤྩ ཀིནྟྭདྷུནཱ ཡུཥྨཱསུ དྲྀཌྷཝིཤྭཱསཱཏ྄ ཏསྱོཏྶཱཧོ བཧུ ཝཝྲྀདྷེ།

²³ཡདི ཀཤྩིཏ྄ ཏཱིཏསྱ ཏཏྟྭཾ ཛིཛྙཱསཏེ ཏརྷི ས མམ སཧབྷཱགཱི ཡུཥྨནྨདྷྱེ སཧཀཱརཱི ཙ, ཨཔརཡོ རྦྷྲཱཏྲོསྟཏྟྭཾ ཝཱ ཡདི ཛིཛྙཱསཏེ ཏརྷི ཏཽ སམིཏཱིནཱཾ དཱུཏཽ ཁྲཱིཥྚསྱ པྲཏིབིམྦཽ ཙེཏི ཏེན ཛྙཱཡཏཱཾ།

²⁴ཨཏོ ཧེཏོཿ སམིཏཱིནཱཾ སམཀྵཾ ཡུཥྨཏྤྲེམྣོ྅སྨཱཀཾ ཤླཱགྷཱཡཱཤྩ པྲཱམཱཎྱཾ ཏཱན྄ པྲཏི ཡུཥྨཱབྷིཿ པྲཀཱཤཡིཏཝྱཾ།