༡ ཡོཧནཿ 1

1

2

3

4

5

¹ཨཱདིཏོ ཡ ཨཱསཱིད྄ ཡསྱ ཝཱག྄ ཨསྨཱབྷིརཤྲཱཝི ཡཉྩ ཝཡཾ སྭནེཏྲཻ རྡྲྀཥྚཝནྟོ ཡཉྩ ཝཱིཀྵིཏཝནྟཿ སྭཀརཻཿ སྤྲྀཥྚཝནྟཤྩ ཏཾ ཛཱིཝནཝཱདཾ ཝཡཾ ཛྙཱཔཡཱམཿ།

²ས ཛཱིཝནསྭརཱུཔཿ པྲཀཱཤཏ ཝཡཉྩ ཏཾ དྲྀཥྚཝནྟསྟམདྷི སཱཀྵྱཾ དདྨཤྩ, ཡཤྩ པིཏུཿ སནྣིདྷཱཝཝརྟྟཏཱསྨཱཀཾ སམཱིཔེ པྲཀཱཤཏ ཙ ཏམ྄ ཨནནྟཛཱིཝནསྭརཱུཔཾ ཝཡཾ ཡུཥྨཱན྄ ཛྙཱཔཡཱམཿ།

³ཨསྨཱབྷི ཪྻད྄ དྲྀཥྚཾ ཤྲུཏཉྩ ཏདེཝ ཡུཥྨཱན྄ ཛྙཱཔྱཏེ ཏེནཱསྨཱབྷིཿ སཧཱཾཤིཏྭཾ ཡུཥྨཱཀཾ བྷཝིཥྱཏི། ཨསྨཱཀཉྩ སཧཱཾཤིཏྭཾ པིཏྲཱ ཏཏྤུཏྲེཎ ཡཱིཤུཁྲཱིཥྚེན ཙ སཱརྡྡྷཾ བྷཝཏི།

⁴ཨཔརཉྩ ཡུཥྨཱཀམ྄ ཨཱནནྡོ ཡཏ྄ སམྤཱུརྞོ བྷཝེད྄ ཏདརྠཾ ཝཡམ྄ ཨེཏཱནི ལིཁཱམཿ།

⁵ཝཡཾ ཡཱཾ ཝཱརྟྟཱཾ ཏསྨཱཏ྄ ཤྲུཏྭཱ ཡུཥྨཱན྄ ཛྙཱཔཡཱམཿ སེཡམ྄། ཨཱིཤྭརོ ཛྱོཏིསྟསྨིན྄ ཨནྡྷཀཱརསྱ ལེཤོ྅པི ནཱསྟི།

⁶ཝཡཾ ཏེན སཧཱཾཤིན ཨིཏི གདིཏྭཱ ཡདྱནྡྷཱཀཱརེ ཙརཱམསྟརྷི སཏྱཱཙཱརིཎོ ན སནྟོ ྅ནྲྀཏཝཱདིནོ བྷཝཱམཿ།

⁷ཀིནྟུ ས ཡཐཱ ཛྱོཏིཥི ཝརྟྟཏེ ཏཐཱ ཝཡམཔི ཡདི ཛྱོཏིཥི ཙརཱམསྟརྷི པརསྤརཾ སཧབྷཱགིནོ བྷཝཱམསྟསྱ པུཏྲསྱ ཡཱིཤུཁྲཱིཥྚསྱ རུདྷིརཉྩཱསྨཱན྄ སཪྻྭསྨཱཏ྄ པཱཔཱཏ྄ ཤུདྡྷཡཏི།

⁸ཝཡཾ ནིཥྤཱཔཱ ཨིཏི ཡདི ཝདཱམསྟརྷི སྭཡམེཝ སྭཱན྄ ཝཉྩཡཱམཿ སཏྱམཏཉྩཱསྨཱཀམ྄ ཨནྟརེ ན ཝིདྱཏེ།

⁹ཡདི སྭཔཱཔཱནི སྭཱིཀུརྨྨཧེ ཏརྷི ས ཝིཤྭཱསྱོ ཡཱཐཱརྠིཀཤྩཱསྟི ཏསྨཱད྄ ཨསྨཱཀཾ པཱཔཱནི ཀྵམིཥྱཏེ སཪྻྭསྨཱད྄ ཨདྷརྨྨཱཙྩཱསྨཱན྄ ཤུདྡྷཡིཥྱཏི།

¹⁰ཝཡམ྄ ཨཀྲྀཏཔཱཔཱ ཨིཏི ཡདི ཝདཱམསྟརྷི ཏམ྄ ཨནྲྀཏཝཱདིནཾ ཀུརྨྨསྟསྱ ཝཱཀྱཉྩཱསྨཱཀམ྄ ཨནྟརེ ན ཝིདྱཏེ།