༡ པིཏརཿ 2

1

2

3

4

5

¹སཪྻྭཱན྄ དྭེཥཱན྄ སཪྻྭཱཾཤྩ ཚལཱན྄ ཀཱཔཊྱཱནཱིརྵྱཱཿ སམསྟགླཱནིཀཐཱཤྩ དཱུརཱིཀྲྀཏྱ

²ཡུཥྨཱབྷིཿ པརིཏྲཱཎཱཡ ཝྲྀདྡྷིཔྲཱཔྟྱརྠཾ ནཝཛཱཏཤིཤུབྷིརིཝ པྲཀྲྀཏཾ ཝཱགྡུགྡྷཾ པིཔཱསྱཏཱཾ།

³ཡཏཿ པྲབྷུ རྨདྷུར ཨེཏསྱཱསྭཱདཾ ཡཱུཡཾ པྲཱཔྟཝནྟཿ།

⁴ཨཔརཾ མཱནུཥཻརཝཛྙཱཏསྱ ཀིནྟྭཱིཤྭརེཎཱབྷིརུཙིཏསྱ བཧུམཱུལྱསྱ ཛཱིཝཏྤྲསྟརསྱེཝ ཏསྱ པྲབྷོཿ སནྣིདྷིམ྄ ཨཱགཏཱ

⁵ཡཱུཡམཔི ཛཱིཝཏྤྲསྟརཱ ཨིཝ ནིཙཱིཡམཱནཱ ཨཱཏྨིཀམནྡིརཾ ཁྲཱིཥྚེན ཡཱིཤུནཱ ཙེཤྭརཏོཥཀཱཎཱམ྄ ཨཱཏྨིཀབལཱིནཱཾ དཱནཱརྠཾ པཝིཏྲོ ཡཱཛཀཝརྒོ བྷཝཐ།

⁶ཡཏཿ ཤཱསྟྲེ ལིཁིཏམཱསྟེ, ཡཐཱ, པཤྱ པཱཥཱཎ ཨེཀོ ྅སྟི སཱིཡོནི སྠཱཔིཏོ མཡཱ། མུཁྱཀོཎསྱ ཡོགྱཿ ས ཝྲྀཏཤྩཱཏཱིཝ མཱུལྱཝཱན྄། ཡོ ཛནོ ཝིཤྭསེཏ྄ ཏསྨིན྄ ས ལཛྫཱཾ ན གམིཥྱཏི།

⁷ཝིཤྭཱསིནཱཾ ཡུཥྨཱཀམེཝ སམཱིཔེ ས མཱུལྱཝཱན྄ བྷཝཏི ཀིནྟྭཝིཤྭཱསིནཱཾ ཀྲྀཏེ ནིཙེཏྲྀབྷིརཝཛྙཱཏཿ ས པཱཥཱཎཿ ཀོཎསྱ བྷིཏྟིམཱུལཾ བྷཱུཏྭཱ བཱདྷཱཛནཀཿ པཱཥཱཎཿ སྑལནཀཱརཀཤྩ ཤཻལོ ཛཱཏཿ།

⁸ཏེ ཙཱཝིཤྭཱསཱད྄ ཝཱཀྱེན སྑལནྟི སྑལནེ ཙ ནིཡུཀྟཱཿ སནྟི།

⁹ཀིནྟུ ཡཱུཡཾ ཡེནཱནྡྷཀཱརམདྷྱཱཏ྄ སྭཀཱིཡཱཤྩཪྻྱདཱིཔྟིམདྷྱམ྄ ཨཱཧཱུཏཱསྟསྱ གུཎཱན྄ པྲཀཱཤཡིཏུམ྄ ཨབྷིརུཙིཏོ ཝཾཤོ རཱཛཀཱིཡོ ཡཱཛཀཝརྒཿ པཝིཏྲཱ ཛཱཏིརདྷིཀརྟྟཝྱཱཿ པྲཛཱཤྩ ཛཱཏཱཿ།

¹⁰པཱུཪྻྭཾ ཡཱུཡཾ ཏསྱ པྲཛཱ ནཱབྷཝཏ ཀིནྟྭིདཱནཱིམ྄ ཨཱིཤྭརསྱ པྲཛཱ ཨཱདྷྭེ། པཱུཪྻྭམ྄ ཨནནུཀམྤིཏཱ ཨབྷཝཏ ཀིནྟྭིདཱནཱིམ྄ ཨནུཀམྤིཏཱ ཨཱདྷྭེ།

¹¹ཧེ པྲིཡཏམཱཿ, ཡཱུཡཾ པྲཝཱསིནོ ཝིདེཤིནཤྩ ལོཀཱ ཨིཝ མནསཿ པྲཱཏིཀཱུལྱེན ཡོདྷིབྷྱཿ ཤཱརཱིརིཀསུཁཱབྷིལཱཥེབྷྱོ ནིཝརྟྟདྷྭམ྄ ཨིཏྱཧཾ ཝིནཡེ།

¹²དེཝཔཱུཛཀཱནཱཾ མདྷྱེ ཡུཥྨཱཀམ྄ ཨཱཙཱར ཨེཝམ྄ ཨུཏྟམོ བྷཝཏུ ཡཐཱ ཏེ ཡུཥྨཱན྄ དུཥྐརྨྨཀཱརིལོཀཱནིཝ པུན རྣ ནིནྡནྟཿ ཀྲྀཔཱདྲྀཥྚིདིནེ སྭཙཀྵུརྒོཙརཱིཡསཏྐྲིཡཱབྷྱ ཨཱིཤྭརསྱ པྲཤཾསཱཾ ཀུཪྻྱུཿ།

¹³ཏཏོ ཧེཏོ ཪྻཱུཡཾ པྲབྷོརནུརོདྷཱཏ྄ མཱནཝསྲྀཥྚཱནཱཾ ཀརྟྲྀཏྭཔདཱནཱཾ ཝཤཱིབྷཝཏ ཝིཤེཥཏོ བྷཱུཔཱལསྱ ཡཏཿ ས ཤྲེཥྛཿ,

¹⁴དེཤཱདྷྱཀྵཱཎཱཉྩ ཡཏསྟེ དུཥྐརྨྨཀཱརིཎཱཾ དཎྜདཱནཱརྠཾ སཏྐརྨྨཀཱརིཎཱཾ པྲཤཾསཱརྠཉྩ ཏེན པྲེརིཏཱཿ།

¹⁵ཨིཏྠཾ ནིརྦྦོདྷམཱནུཥཱཎཱམ྄ ཨཛྙཱནཏྭཾ ཡཏ྄ སདཱཙཱརིབྷི ཪྻུཥྨཱབྷི རྣིརུཏྟརཱིཀྲིཡཏེ ཏད྄ ཨཱིཤྭརསྱཱབྷིམཏཾ།

¹⁶ཡཱུཡཾ སྭཱདྷཱིནཱ ཨིཝཱཙརཏ ཏཐཱཔི དུཥྚཏཱཡཱ ཝེཥསྭརཱུཔཱཾ སྭཱདྷཱིནཏཱཾ དྷཱརཡནྟ ཨིཝ ནཧི ཀིནྟྭཱིཤྭརསྱ དཱསཱ ཨིཝ།

¹⁷སཪྻྭཱན྄ སམཱདྲིཡདྷྭཾ བྷྲཱཏྲྀཝརྒེ པྲཱིཡདྷྭམ྄ ཨཱིཤྭརཱད྄ བིབྷཱིཏ བྷཱུཔཱལཾ སམྨནྱདྷྭཾ།

¹⁸ཧེ དཱསཱཿ ཡཱུཡཾ སམྤཱུརྞཱདརེཎ པྲབྷཱུནཱཾ ཝཤྱཱ བྷཝཏ ཀེཝལཾ བྷདྲཱཎཱཾ དཡཱལཱུནཱཉྩ ནཧི ཀིནྟྭནྲྀཛཱུནཱམཔི།

¹⁹ཡཏོ ྅ནྱཱཡེན དུཿཁབྷོགཀཱལ ཨཱིཤྭརཙིནྟཡཱ ཡཏ྄ ཀླེཤསཧནཾ ཏདེཝ པྲིཡཾ།

²⁰པཱཔཾ ཀྲྀཏྭཱ ཡུཥྨཱཀཾ ཙཔེཊཱགྷཱཏསཧནེན ཀཱ པྲཤཾསཱ? ཀིནྟུ སདཱཙཱརཾ ཀྲྀཏྭཱ ཡུཥྨཱཀཾ ཡད྄ དུཿཁསཧནཾ ཏདེཝེཤྭརསྱ པྲིཡཾ།

²¹ཏདརྠམེཝ ཡཱུཡམ྄ ཨཱཧཱུཏཱ ཡཏཿ ཁྲཱིཥྚོ྅པི ཡུཥྨནྣིམིཏྟཾ དུཿཁཾ བྷུཀྟྭཱ ཡཱུཡཾ ཡཏ྄ ཏསྱ པདཙིཧྣཻ ཪྻྲཛེཏ ཏདརྠཾ དྲྀཥྚཱནྟམེཀཾ དརྴིཏཝཱན྄།

²²ས ཀིམཔི པཱཔཾ ན ཀྲྀཏཝཱན྄ ཏསྱ ཝདནེ ཀཱཔི ཚལསྱ ཀཐཱ ནཱསཱིཏ྄།

²³ནིནྡིཏོ ྅པི སན྄ ས པྲཏིནིནྡཱཾ ན ཀྲྀཏཝཱན྄ དུཿཁཾ སཧམཱནོ ྅པི ན བྷརྟྶིཏཝཱན྄ ཀིནྟུ ཡཐཱརྠཝིཙཱརཡིཏུཿ སམཱིཔེ སྭཾ སམརྤིཏཝཱན྄།

²⁴ཝཡཾ ཡཏ྄ པཱཔེབྷྱོ ནིཝྲྀཏྱ དྷརྨྨཱརྠཾ ཛཱིཝཱམསྟདརྠཾ ས སྭཤརཱིརེཎཱསྨཱཀཾ པཱཔཱནི ཀྲུཤ ཨཱུཌྷཝཱན྄ ཏསྱ པྲཧཱརཻ ཪྻཱུཡཾ སྭསྠཱ ཨབྷཝཏ།

²⁵ཡཏཿ པཱུཪྻྭཾ ཡཱུཡཾ བྷྲམཎཀཱརིམེཥཱ ཨིཝཱདྷྭཾ ཀིནྟྭདྷུནཱ ཡུཥྨཱཀམ྄ ཨཱཏྨནཱཾ པཱལཀསྱཱདྷྱཀྵསྱ ཙ སམཱིཔཾ པྲཏྱཱཝརྟྟིཏཱཿ།