༡ ཐིཥལནཱིཀིནཿ 1

1

2

3

4

5

¹པཽལཿ སིལྭཱནསྟཱིམཐིཡཤྩ པིཏུརཱིཤྭརསྱ པྲབྷོ ཪྻཱིཤུཁྲཱིཥྚསྱ ཙཱཤྲཡཾ པྲཱཔྟཱ ཐིཥལནཱིཀཱིཡསམིཏིཾ པྲཏི པཏྲཾ ལིཁནྟི། ཨསྨཱཀཾ ཏཱཏ ཨཱིཤྭརཿ པྲབྷུ ཪྻཱིཤུཁྲཱིཥྚཤྩ ཡུཥྨཱན྄ པྲཏྱནུགྲཧཾ ཤཱནྟིཉྩ ཀྲིཡཱསྟཱཾ།

²ཝཡཾ སཪྻྭེཥཱཾ ཡུཥྨཱཀཾ ཀྲྀཏེ ཨཱིཤྭརཾ དྷནྱཾ ཝདཱམཿ པྲཱརྠནཱསམཡེ ཡུཥྨཱཀཾ ནཱམོཙྩཱརཡཱམཿ,

³ཨསྨཱཀཾ ཏཱཏསྱེཤྭརསྱ སཱཀྵཱཏ྄ པྲབྷཽ ཡཱིཤུཁྲཱིཥྚེ ཡུཥྨཱཀཾ ཝིཤྭཱསེན ཡཏ྄ ཀཱཪྻྱཾ པྲེམྣཱ ཡཿ པརིཤྲམཿ པྲཏྱཱཤཡཱ ཙ ཡཱ ཏིཏིཀྵཱ ཛཱཡཏེ

⁴ཏཏ྄ སཪྻྭཾ ནིརནྟརཾ སྨརཱམཤྩ། ཧེ པིཡབྷྲཱཏརཿ, ཡཱུཡམ྄ ཨཱིཤྭརེཎཱབྷིརུཙིཏཱ ལོཀཱ ཨིཏི ཝཡཾ ཛཱནཱིམཿ།

⁵ཡཏོ྅སྨཱཀཾ སུསཾཝཱདཿ ཀེཝལཤབྡེན ཡུཥྨཱན྄ ན པྲཝིཤྱ ཤཀྟྱཱ པཝིཏྲེཎཱཏྨནཱ མཧོཏྶཱཧེན ཙ ཡུཥྨཱན྄ པྲཱཝིཤཏ྄། ཝཡནྟུ ཡུཥྨཱཀཾ ཀྲྀཏེ ཡུཥྨནྨདྷྱེ ཀཱིདྲྀཤཱ ཨབྷཝཱམ ཏད྄ ཡུཥྨཱབྷི རྫྙཱཡཏེ།

⁶ཡཱུཡམཔི བཧུཀླེཤབྷོགེན པཝིཏྲེཎཱཏྨནཱ དཏྟེནཱནནྡེན ཙ ཝཱཀྱཾ གྲྀཧཱིཏྭཱསྨཱཀཾ པྲབྷོཤྩཱནུགཱམིནོ྅བྷཝཏ།

⁷ཏེན མཱཀིདནིཡཱཁཱཡཱདེཤཡོ ཪྻཱཝནྟོ ཝིཤྭཱསིནོ ལོཀཱཿ སནྟི ཡཱུཡཾ ཏེཥཱཾ སཪྻྭེཥཱཾ ནིདརྴནསྭརཱུཔཱ ཛཱཏཱཿ།

⁸ཡཏོ ཡུཥྨཏྟཿ པྲཏིནཱདིཏཡཱ པྲབྷོ ཪྻཱཎྱཱ མཱཀིདནིཡཱཁཱཡཱདེཤཽ ཝྱཱཔྟཽ ཀེཝལམེཏནྣཧི ཀིནྟྭཱིཤྭརེ ཡུཥྨཱཀཾ ཡོ ཝིཤྭཱསསྟསྱ ཝཱརྟྟཱ སཪྻྭཏྲཱཤྲཱཝི, ཏསྨཱཏ྄ ཏཏྲ ཝཱཀྱཀཐནམ྄ ཨསྨཱཀཾ ནིཥྤྲཡོཛནཾ།

⁹ཡཏོ ཡུཥྨནྨདྷྱེ ཝཡཾ ཀཱིདྲྀཤཾ པྲཝེཤཾ པྲཱཔྟཱ ཡཱུཡཉྩ ཀཐཾ པྲཏིམཱ ཝིཧཱཡེཤྭརཾ པྲཏྱཱཝརྟྟདྷྭམ྄ ཨམརཾ སཏྱམཱིཤྭརཾ སེཝིཏུཾ

¹⁰མྲྀཏགཎམདྷྱཱཙྩ ཏེནོཏྠཱཔིཏསྱ པུཏྲསྱཱརྠཏ ཨཱགཱམིཀྲོདྷཱད྄ ཨསྨཱཀཾ ནིསྟཱརཡིཏུ ཪྻཱིཤོཿ སྭརྒཱད྄ ཨཱགམནཾ པྲཏཱིཀྵིཏུམ྄ ཨཱརབྷདྷྭམ྄ ཨེཏཏ྄ སཪྻྭཾ ཏེ ལོཀཱཿ སྭཡམ྄ ཨསྨཱན྄ ཛྙཱཔཡནྟི།