1කරින්ථනගර ආපල්ලසඃ ස්ථිතිකාලේ පෞල උත්තරප්රදේශෛරාගච්ඡන් ඉඵිෂනගරම් උපස්ථිතවාන්| තත්ර කතිපයශිෂ්යාන් සාක්ෂත් ප්රාප්ය තාන් අපෘච්ඡත්,
2යූයං විශ්වස්ය පවිත්රමාත්මානං ප්රාප්තා න වා? තතස්තේ ප්රත්යවදන් පවිත්ර ආත්මා දීයතේ ඉත්යස්මාභිඃ ශ්රුතමපි නහි|
3තදා සා(අ)වදත් තර්හි යූයං කේන මජ්ජිතා අභවත? තේ(අ)කථයන් යෝහනෝ මජ්ජනේන|
4තදා පෞල උක්තවාන් ඉතඃ පරං ය උපස්ථාස්යති තස්මින් අර්ථත යීශුඛ්රීෂ්ටේ විශ්වසිතව්යමිත්යුක්ත්වා යෝහන් මනඃපරිවර්ත්තනසූචකේන මජ්ජනේන ජලේ ලෝකාන් අමජ්ජයත්|
5තාදෘශීං කථාං ශ්රුත්වා තේ ප්රභෝ ර්යීශුඛ්රීෂ්ටස්ය නාම්නා මජ්ජිතා අභවන්|
6තතඃ පෞලේන තේෂාං ගාත්රේෂු කරේ(අ)ර්පිතේ තේෂාමුපරි පවිත්ර ආත්මාවරූඪවාන්, තස්මාත් තේ නානාදේශීයා භාෂා භවිෂ්යත්කථාශ්ච කථිතවන්තඃ|
7තේ ප්රායේණ ද්වාදශජනා ආසන්|
8පෞලෝ භජනභවනං ගත්වා ප්රායේණ මාසත්රයම් ඊශ්වරස්ය රාජ්යස්ය විචාරං කෘත්වා ලෝකාන් ප්රවර්ත්ය සාහසේන කථාමකථයත්|
9කින්තු කඨිනාන්තඃකරණත්වාත් කියන්තෝ ජනා න විශ්වස්ය සර්ව්වේෂාං සමක්ෂම් ඒතත්පථස්ය නින්දාං කර්ත්තුං ප්රවෘත්තාඃ, අතඃ පෞලස්තේෂාං සමීපාත් ප්රස්ථාය ශිෂ්යගණං පෘථක්කෘත්වා ප්රත්යහං තුරාන්නනාම්නඃ කස්යචිත් ජනස්ය පාඨශාලායාං විචාරං කෘතවාන්|
10ඉත්ථං වත්සරද්වයං ගතං තස්මාද් ආශියාදේශනිවාසිනඃ සර්ව්වේ යිහූදීයා අන්යදේශීයලෝකාශ්ච ප්රභෝ ර්යීශෝඃ කථාම් අශ්රෞෂන්|
11පෞලේන ච ඊශ්වර ඒතාදෘශාන්යද්භුතානි කර්ම්මාණි කෘතවාන්
12යත් පරිධේයේ ගාත්රමාර්ජනවස්ත්රේ වා තස්ය දේහාත් පීඩිතලෝකානාම් සමීපම් ආනීතේ තේ නිරාමයා ජාතා අපවිත්රා භූතාශ්ච තේභ්යෝ බහිර්ගතවන්තඃ|
13තදා දේශාටනකාරිණඃ කියන්තෝ යිහූදීයා භූතාපසාරිණෝ භූතග්රස්තනෝකානාං සන්නිධෞ ප්රභේ ර්යීශෝ ර්නාම ජප්ත්වා වාක්යමිදම් අවදන්, යස්ය කථාං පෞලඃ ප්රචාරයති තස්ය යීශෝ ර්නාම්නා යුෂ්මාන් ආඥාපයාමඃ|
14ස්කිවනාම්නෝ යිහූදීයානාං ප්රධානයාජකස්ය සප්තභිඃ පුත්තෛස්තථා කෘතේ සති
15කශ්චිද් අපවිත්රෝ භූතඃ ප්රත්යුදිතවාන්, යීශුං ජානාමි පෞලඤ්ච පරිචිනෝමි කින්තු කේ යූයං?
16ඉත්යුක්ත්වා සෝපවිත්රභූතග්රස්තෝ මනුෂ්යෝ ලම්ඵං කෘත්වා තේෂාමුපරි පතිත්වා බලේන තාන් ජිතවාන්, තස්මාත්තේ නග්නාඃ ක්ෂතාඞ්ගාශ්ච සන්තස්තස්මාද් ගේහාත් පලායන්ත|
17සා වාග් ඉඵිෂනගරනිවාසිනසං සර්ව්වේෂාං යිහූදීයානාං භින්නදේශීයානාං ලෝකානාඤ්ච ශ්රවෝගෝචරීභූතා; තතඃ සර්ව්වේ භයං ගතාඃ ප්රභෝ ර්යීශෝ ර්නාම්නෝ යශෝ (අ)වර්ද්ධත|
18යේෂාමනේකේෂාං ලෝකානාං ප්රතීතිරජායත ත ආගත්ය ස්වෛඃ කෘතාඃ ක්රියාඃ ප්රකාශරූපේණාඞ්ගීකෘතවන්තඃ|
19බහවෝ මායාකර්ම්මකාරිණඃ ස්වස්වග්රන්ථාන් ආනීය රාශීකෘත්ය සර්ව්වේෂාං සමක්ෂම් අදාහයන්, තතෝ ගණනාං කෘත්වාබුධ්යන්ත පඤ්චායුතරූප්යමුද්රාමූල්යපුස්තකානි දග්ධානි|
20ඉත්ථං ප්රභෝඃ කථා සර්ව්වදේශං ව්යාප්ය ප්රබලා ජාතා|
21සර්ව්වේෂ්වේතේෂු කර්ම්මසු සම්පන්නේෂු සත්සු පෞලෝ මාකිදනියාඛායාදේශාභ්යාං යිරූශාලමං ගන්තුං මතිං කෘත්වා කථිතවාන් තත්ස්ථානං යාත්රායාං කෘතායාං සත්යාං මයා රෝමානගරං ද්රෂ්ටව්යං|
22ස්වානුගතලෝකානාං තීමථියේරාස්තෞ ද්වෞ ජනෞ මාකිදනියාදේශං ප්රති ප්රහිත්ය ස්වයම් ආශියාදේශේ කතිපයදිනානි ස්ථිතවාන්|