1ඉඵිෂස්ථසමිතේ ර්දූතං ප්‍රති ත්වම් ඉදං ලිඛ; යෝ දක්‍ෂිණකරේණ සප්ත තාරා ධාරයති සප්තානාං සුවර්ණදීපවෘක්‍ෂාණාං මධ්‍යේ ගමනාගමනේ කරෝති ච තේනේදම් උච්‍යතේ|
2තව ක්‍රියාඃ ශ්‍රමඃ සහිෂ්ණුතා ච මම ගෝචරාඃ, ත්වං දුෂ්ටාන් සෝඪුං න ශක්නෝෂි යේ ච ප්‍රේරිතා න සන්තඃ ස්වාන් ප්‍රේරිතාන් වදන්ති ත්වං තාන් පරීක්‍ෂ්‍ය මෘෂාභාෂිණෝ විඥාතවාන්,
3අපරං ත්වං තිතික්‍ෂාං විදධාසි මම නාමාර්ථං බහු සෝඪවානසි තථාපි න පර‍්‍ය්‍යක්ලාම්‍යස්තදපි ජානාමි|
4කිඤ්ච තව විරුද්ධං මයෛතත් වක්තව්‍යං යත් තව ප්‍රථමං ප්‍රේම ත්වයා ව්‍යහීයත|
5අතඃ කුතඃ පතිතෝ (අ)සි තත් ස්මෘත්වා මනඃ පරාවර්ත්ත්‍ය පූර්ව්වීයක්‍රියාඃ කුරු න චේත් ත්වයා මනසි න පරිවර්ත්තිතේ (අ)හං තූර්ණම් ආගත්‍ය තව දීපවෘක්‍ෂං ස්වස්ථානාද් අපසාරයිෂ්‍යාමි|
6තථාපි තවේෂ ගුණෝ විද්‍යතේ යත් නීකලායතීයලෝකානාං යාඃ ක්‍රියා අහම් ඍතීයේ තාස්ත්වමපි ඍතීයමේ|
7යස්‍ය ශ්‍රෝත්‍රං විද්‍යතේ ස සමිතීඃ ප්‍රත්‍යුච්‍යමානාම් ආත්මනඃ කථාං ශෘණෝතු| යෝ ජනෝ ජයති තස්මා අහම් ඊශ්වරස්‍යාරාමස්ථජීවනතරෝඃ ඵලං භෝක්තුං දාස්‍යාමි|
8අපරං ස්මුර්ණාස්ථසමිතේ ර්දූතං ප්‍රතීදං ලිඛ; ය ආදිරන්තශ්ච යෝ මෘතවාන් පුනර්ජීවිතවාංශ්ච තේනේදම් උච්‍යතේ,
9තව ක්‍රියාඃ ක්ලේශෝ දෛන්‍යඤ්ච මම ගෝචරාඃ කින්තු ත්වං ධනවානසි යේ ච යිහූදීයා න සන්තඃ ශයතානස්‍ය සමාජාඃ සන්ති තථාපි ස්වාන් යිහූදීයාන් වදන්ති තේෂාං නින්දාමප්‍යහං ජානාමි|
10ත්වයා යෝ යඃ ක්ලේශඃ සෝඪව්‍යස්තස්මාත් මා භෛෂීඃ පශ්‍ය ශයතානෝ යුෂ්මාකං පරීක්‍ෂාර්ථං කාංශ්චිත් කාරායාං නික්‍ෂේප්ස්‍යති දශ දිනානි යාවත් ක්ලේශෝ යුෂ්මාසු වර්ත්තිෂ්‍යතේ ච| ත්වං මෘත්‍යුපර‍්‍ය්‍යන්තං විශ්වාස්‍යෝ භව තේනාහං ජීවනකිරීටං තුභ්‍යං දාස්‍යාමි|
11යස්‍ය ශ්‍රෝත්‍රං විද්‍යතේ ස සමිතීඃ ප්‍රත්‍යුච්‍යමානාම් ආත්මනඃ කථාං ශෘණෝතු| යෝ ජයති ස ද්විතීයමෘත්‍යුනා න හිංසිෂ්‍යතේ|
12අපරං පර්ගාමස්ථසමිතේ ර්දූතං ප්‍රතීදං ලිඛ, යස්තීක්‍ෂ්ණං ද්විධාරං ඛඞ්ගං ධාරයති ස ඒව භාෂතේ|
13තව ක්‍රියා මම ගෝචරාඃ, යත්‍ර ශයතානස්‍ය සිංහාසනං තත්‍රෛව ත්වං වසසි තදපි ජානාමි| ත්වං මම නාම ධාරයසි මද්භක්තේරස්වීකාරස්ත්වයා න කෘතෝ මම විශ්වාස්‍යසාක්‍ෂිණ ආන්තිපාඃ සමයේ (අ)පි න කෘතඃ| ස තු යුෂ්මන්මධ්‍යේ (අ)ඝානි යතඃ ශයතානස්තත්‍රෛව නිවසති|
14තථාපි තව විරුද්ධං මම කිඤ්චිද් වක්තව්‍යං යතෝ දේවප්‍රසාදාදනාය පරදාරගමනාය චේස්‍රායේලඃ සන්තානානාං සම්මුඛ උන්මාථං ස්ථාපයිතුං බාලාක් යේනාශික්‍ෂ්‍යත තස්‍ය බිලියමඃ ශික්‍ෂාවලම්බිනස්තව කේචිත් ජනාස්තත්‍ර සන්ති|
15තථා නීකලායතීයානාං ශික්‍ෂාවලම්බිනස්තව කේචිත් ජනා අපි සන්ති තදේවාහම් ඍතීයේ|
16අතෝ හේතෝස්ත්වං මනඃ පරිවර්ත්තය න චේදහං ත්වරයා තව සමීපමුපස්ථාය මද්වක්තස්ථඛඞ්ගේන තෛඃ සහ යෝත්ස්‍යාමි|
17යස්‍ය ශ්‍රෝත්‍රං විද්‍යතේ ස සමිතීඃ ප්‍රත්‍යුච්‍යමානාම් ආත්මනඃ කථාං ශෘණෝතු| යෝ ජනෝ ජයති තස්මා අහං ගුප්තමාන්නාං භෝක්තුං දාස්‍යාමි ශුභ්‍රප්‍රස්තරමපි තස්මෛ දාස්‍යාමි තත්‍ර ප්‍රස්තරේ නූතනං නාම ලිඛිතං තච්ච ග්‍රහීතාරං විනා නාන්‍යේන කේනාප්‍යවගම්‍යතේ|
18අපරං ථුයාතීරාස්ථසමිතේ ර්දූතං ප්‍රතීදං ලිඛ| යස්‍ය ලෝචනේ වහ්නිශිඛාසදෘශේ චරණෞ ච සුපිත්තලසඞ්කාශෞ ස ඊශ්වරපුත්‍රෝ භාෂතේ,
19තව ක්‍රියාඃ ප්‍රේම විශ්වාසඃ පරිචර‍්‍ය්‍යා සහිෂ්ණුතා ච මම ගෝචරාඃ, තව ප්‍රථමක්‍රියාභ්‍යඃ ශේෂක්‍රියාඃ ශ්‍රේෂ්ඨාස්තදපි ජානාමි|
20තථාපි තව විරුද්ධං මයා කිඤ්චිද් වක්තව්‍යං යතෝ යා ඊෂේබල්නාමිකා යෝෂිත් ස්වාං භවිෂ්‍යද්වාදිනීං මන්‍යතේ වේශ්‍යාගමනාය දේවප්‍රසාදාශනාය ච මම දාසාන් ශික්‍ෂයති භ්‍රාමයති ච සා ත්වයා න නිවාර‍්‍ය්‍යතේ|
21අහං මනඃපරිවර්ත්තනාය තස්‍යෛ සමයං දත්තවාන් කින්තු සා ස්වීයවේශ්‍යාක්‍රියාතෝ මනඃපරිවර්ත්තයිතුං නාභිලෂති|
22පශ්‍යාහං තාං ශය්‍යායාං නික්‍ෂේප්ස්‍යාමි, යේ තයා සාර්ද්ධං ව්‍යභිචාරං කුර්ව්වන්ති තේ යදි ස්වක්‍රියාභ්‍යෝ මනාංසි න පරාවර්ත්තයන්ති තර්හි තානපි මහාක්ලේශේ නික්‍ෂේප්ස්‍යාමි
23තස්‍යාඃ සන්තානාංශ්ච මෘත්‍යුනා හනිෂ්‍යාමි| තේනාහම් අන්තඃකරණානාං මනසාඤ්චානුසන්ධානකාරී යුෂ්මාකමේකෛකස්මෛ ච ස්වක්‍රියාණාං ඵලං මයා දාතව්‍යමිති සර්ව්වාඃ සමිතයෝ ඥාස්‍යන්ති|
24අපරම් අවශිෂ්ටාන් ථුයාතීරස්ථලෝකාන් අර්ථතෝ යාවන්තස්තාං ශික්‍ෂාං න ධාරයන්ති යේ ච කෛශ්චිත් ශයතානස්‍ය ගම්භීරාර්ථා උච්‍යන්තේ තාන් යේ නාවගතවන්තස්තානහං වදාමි යුෂ්මාසු කමප්‍යපරං භාරං නාරෝපයිෂ්‍යාමි;
25කින්තු යද් යුෂ්මාකං විද්‍යතේ තත් මමාගමනං යාවද් ධාරයත|
26යෝ ජනෝ ජයති ශේෂපර‍්‍ය්‍යන්තං මම ක්‍රියාඃ පාලයති ච තස්මා අහම් අන්‍යජාතීයානාම් ආධිපත්‍යං දාස්‍යාමි;
27පිතෘතෝ මයා යද්වත් කර්තෘත්වං ලබ්ධං තද්වත් සෝ (අ)පි ලෞහදණ්ඩේන තාන් චාරයිෂ්‍යති තේන මෘද්භාජනානීව තේ චූර්ණා භවිෂ්‍යන්ති|
28අපරම් අහං තස්මෛ ප්‍රභාතීයතාරාම් අපි දාස්‍යාමි|
29යස්‍ය ශ්‍රෝත්‍රං විද්‍යතේ ස සමිතීඃ ප්‍රත්‍යුච්‍යමානාම් ආත්මනඃ කථාං ශෘණෝතු|
