యాకూబః 2

1

2

3

4

5

¹హే మమ భ్రాతరః, యూయమ్ అస్మాకం తేజస్వినః ప్రభో ర్యీశుఖ్రీష్టస్య ధర్మ్మం ముఖాపేక్షయా న ధారయత|

²యతో యుష్మాకం సభాయాం స్వర్ణాఙ్గురీయకయుక్తే భ్రాజిష్ణుపరిచ్ఛదే పురుషే ప్రవిష్టే మలినవస్త్రే కస్మింశ్చిద్ దరిద్రేఽపి ప్రవిష్టే

³యూయం యది తం భ్రాజిష్ణుపరిచ్ఛదవసానం జనం నిరీక్ష్య వదేత భవాన్ అత్రోత్తమస్థాన ఉపవిశత్వితి కిఞ్చ తం దరిద్రం యది వదేత త్వమ్ అముస్మిన్ స్థానే తిష్ఠ యద్వాత్ర మమ పాదపీఠ ఉపవిశేతి,

⁴తర్హి మనఃసు విశేష్య యూయం కిం కుతర్కైః కువిచారకా న భవథ?

⁵హే మమ ప్రియభ్రాతరః, శృణుత, సంసారే యే దరిద్రాస్తాన్ ఈశ్వరో విశ్వాసేన ధనినః స్వప్రేమకారిభ్యశ్చ ప్రతిశ్రుతస్య రాజ్యస్యాధికారిణః కర్త్తుం కిం న వరీతవాన్? కిన్తు దరిద్రో యుష్మాభిరవజ్ఞాయతే|

⁶ధనవన్త ఏవ కిం యుష్మాన్ నోపద్రవన్తి బలాచ్చ విచారాసనానాం సమీపం న నయన్తి?

⁷యుష్మదుపరి పరికీర్త్తితం పరమం నామ కిం తైరేవ న నిన్ద్యతే?

⁸కిఞ్చ త్వం స్వసమీపవాసిని స్వాత్మవత్ ప్రీయస్వ, ఏతచ్ఛాస్త్రీయవచనానుసారతో యది యూయం రాజకీయవ్యవస్థాం పాలయథ తర్హి భద్రం కురుథ|

⁹యది చ ముఖాపేక్షాం కురుథ తర్హి పాపమ్ ఆచరథ వ్యవస్థయా చాజ్ఞాలఙ్ఘిన ఇవ దూష్యధ్వే|

¹⁰యతో యః కశ్చిత్ కృత్స్నాం వ్యవస్థాం పాలయతి స యద్యేకస్మిన్ విధౌ స్ఖలతి తర్హి సర్వ్వేషామ్ అపరాధీ భవతి|

¹¹యతో హేతోస్త్వం పరదారాన్ మా గచ్ఛేతి యః కథితవాన్ స ఏవ నరహత్యాం మా కుర్య్యా ఇత్యపి కథితవాన్ తస్మాత్ త్వం పరదారాన్ న గత్వా యది నరహత్యాం కరోషి తర్హి వ్యవస్థాలఙ్ఘీ భవసి|

¹²ముక్తే ర్వ్యవస్థాతో యేషాం విచారేణ భవితవ్యం తాదృశా లోకా ఇవ యూయం కథాం కథయత కర్మ్మ కురుత చ|

¹³యో దయాం నాచరతి తస్య విచారో నిర్ద్దయేన కారిష్యతే, కిన్తు దయా విచారమ్ అభిభవిష్యతి|

¹⁴హే మమ భ్రాతరః, మమ ప్రత్యయోఽస్తీతి యః కథయతి తస్య కర్మ్మాణి యది న విద్యన్త తర్హి తేన కిం ఫలం? తేన ప్రత్యయేన కిం తస్య పరిత్రాణం భవితుం శక్నోతి?

¹⁵కేషుచిద్ భ్రాతృషు భగినీషు వా వసనహీనేషు ప్రాత్యహికాహారహీనేషు చ సత్సు యుష్మాకం కోఽపి తేభ్యః శరీరార్థం ప్రయోజనీయాని ద్రవ్యాణి న దత్వా యది తాన్ వదేత్,

¹⁶యూయం సకుశలం గత్వోష్ణగాత్రా భవత తృప్యత చేతి తర్హ్యేతేన కిం ఫలం?

¹⁷తద్వత్ ప్రత్యయో యది కర్మ్మభి ర్యుక్తో న భవేత్ తర్హ్యేకాకిత్వాత్ మృత ఏవాస్తే|

¹⁸కిఞ్చ కశ్చిద్ ఇదం వదిష్యతి తవ ప్రత్యయో విద్యతే మమ చ కర్మ్మాణి విద్యన్తే, త్వం కర్మ్మహీనం స్వప్రత్యయం మాం దర్శయ తర్హ్యహమపి మత్కర్మ్మభ్యః స్వప్రత్యయం త్వాం దర్శయిష్యామి|

¹⁹ఏక ఈశ్వరో ఽస్తీతి త్వం ప్రత్యేషి| భద్రం కరోషి| భూతా అపి తత్ ప్రతియన్తి కమ్పన్తే చ|

²⁰కిన్తు హే నిర్బ్బోధమానవ, కర్మ్మహీనః ప్రత్యయో మృత ఏవాస్త్యేతద్ అవగన్తుం కిమ్ ఇచ్ఛసి?

²¹అస్మాకం పూర్వ్వపురుషో య ఇబ్రాహీమ్ స్వపుత్రమ్ ఇస్హాకం యజ్ఞవేద్యామ్ ఉత్సృష్టవాన్ స కిం కర్మ్మభ్యో న సపుణ్యీకృతః?

²²ప్రత్యయే తస్య కర్మ్మణాం సహకారిణి జాతే కర్మ్మభిః ప్రత్యయః సిద్ధో ఽభవత్ తత్ కిం పశ్యసి?

²³ఇత్థఞ్చేదం శాస్త్రీయవచనం సఫలమ్ అభవత్, ఇబ్రాహీమ్ పరమేశ్వరే విశ్వసితవాన్ తచ్చ తస్య పుణ్యాయాగణ్యత స చేశ్వరస్య మిత్ర ఇతి నామ లబ్ధవాన్|

²⁴పశ్యత మానవః కర్మ్మభ్యః సపుణ్యీక్రియతే న చైకాకినా ప్రత్యయేన|

²⁵తద్వద్ యా రాహబ్నామికా వారాఙ్గనా చారాన్ అనుగృహ్యాపరేణ మార్గేణ విససర్జ సాపి కిం కర్మ్మభ్యో న సపుణ్యీకృతా?

²⁶అతఏవాత్మహీనో దేహో యథా మృతోఽస్తి తథైవ కర్మ్మహీనః ప్రత్యయోఽపి మృతోఽస్తి|