ప్రేరితాః 5:11-38

¹¹తస్మాత్ మణ్డల్యాః సర్వ్వే లోకా అన్యలోకాశ్చ తాం వార్త్తాం శ్రుత్వా సాధ్వసం గతాః|

¹²తతః పరం ప్రేరితానాం హస్తై ర్లోకానాం మధ్యే బహ్వాశ్చర్య్యాణ్యద్భుతాని కర్మ్మాణ్యక్రియన్త; తదా శిష్యాః సర్వ్వ ఏకచిత్తీభూయ సులేమానో ఽలిన్దే సమ్భూయాసన్|

¹³తేషాం సఙ్ఘాన్తర్గో భవితుం కోపి ప్రగల్భతాం నాగమత్ కిన్తు లోకాస్తాన్ సమాద్రియన్త|

¹⁴స్త్రియః పురుషాశ్చ బహవో లోకా విశ్వాస్య ప్రభుం శరణమాపన్నాః|

¹⁵పితరస్య గమనాగమనాభ్యాం కేనాపి ప్రకారేణ తస్య ఛాయా కస్మింశ్చిజ్జనే లగిష్యతీత్యాశయా లోకా రోగిణః శివికయా ఖట్వయా చానీయ పథి పథి స్థాపితవన్తః|

¹⁶చతుర్దిక్స్థనగరేభ్యో బహవో లోకాః సమ్భూయ రోగిణోఽపవిత్రభుతగ్రస్తాంశ్చ యిరూశాలమమ్ ఆనయన్ తతః సర్వ్వే స్వస్థా అక్రియన్త|

¹⁷అనన్తరం మహాయాజకః సిదూకినాం మతగ్రాహిణస్తేషాం సహచరాశ్చ

¹⁸మహాక్రోధాన్త్వితాః సన్తః ప్రేరితాన్ ధృత్వా నీచలోకానాం కారాయాం బద్ధ్వా స్థాపితవన్తః|

¹⁹కిన్తు రాత్రౌ పరమేశ్వరస్య దూతః కారాయా ద్వారం మోచయిత్వా తాన్ బహిరానీయాకథయత్,

²⁰యూయం గత్వా మన్దిరే దణ్డాయమానాః సన్తో లోకాన్ ప్రతీమాం జీవనదాయికాం సర్వ్వాం కథాం ప్రచారయత|

²¹ఇతి శ్రుత్వా తే ప్రత్యూషే మన్దిర ఉపస్థాయ ఉపదిష్టవన్తః| తదా సహచరగణేన సహితో మహాయాజక ఆగత్య మన్త్రిగణమ్ ఇస్రాయేల్వంశస్య సర్వ్వాన్ రాజసభాసదః సభాస్థాన్ కృత్వా కారాయాస్తాన్ ఆపయితుం పదాతిగణం ప్రేరితవాన్|

²²తతస్తే గత్వా కారాయాం తాన్ అప్రాప్య ప్రత్యాగత్య ఇతి వార్త్తామ్ అవాదిషుః,

²³వయం తత్ర గత్వా నిర్వ్విఘ్నం కారాయా ద్వారం రుద్ధం రక్షకాంశ్చ ద్వారస్య బహిర్దణ్డాయమానాన్ అదర్శామ ఏవ కిన్తు ద్వారం మోచయిత్వా తన్మధ్యే కమపి ద్రష్టుం న ప్రాప్తాః|

²⁴ఏతాం కథాం శ్రుత్వా మహాయాజకో మన్దిరస్య సేనాపతిః ప్రధానయాజకాశ్చ, ఇత పరం కిమపరం భవిష్యతీతి చిన్తయిత్వా సన్దిగ్ధచిత్తా అభవన్|

²⁵ఏతస్మిన్నేవ సమయే కశ్చిత్ జన ఆగత్య వార్త్తామేతామ్ అవదత్ పశ్యత యూయం యాన్ మానవాన్ కారాయామ్ అస్థాపయత తే మన్దిరే తిష్ఠన్తో లోకాన్ ఉపదిశన్తి|

²⁶తదా మన్దిరస్య సేనాపతిః పదాతయశ్చ తత్ర గత్వా చేల్లోకాః పాషాణాన్ నిక్షిప్యాస్మాన్ మారయన్తీతి భియా వినత్యాచారం తాన్ ఆనయన్|

²⁷తే మహాసభాయా మధ్యే తాన్ అస్థాపయన్ తతః పరం మహాయాజకస్తాన్ అపృచ్ఛత్,

²⁸అనేన నామ్నా సముపదేష్టుం వయం కిం దృఢం న న్యషేధామ? తథాపి పశ్యత యూయం స్వేషాం తేనోపదేశేనే యిరూశాలమం పరిపూర్ణం కృత్వా తస్య జనస్య రక్తపాతజనితాపరాధమ్ అస్మాన్ ప్రత్యానేతుం చేష్టధ్వే|

²⁹తతః పితరోన్యప్రేరితాశ్చ ప్రత్యవదన్ మానుషస్యాజ్ఞాగ్రహణాద్ ఈశ్వరస్యాజ్ఞాగ్రహణమ్ అస్మాకముచితమ్|

³⁰యం యీశుం యూయం క్రుశే వేధిత్వాహత తమ్ అస్మాకం పైతృక ఈశ్వర ఉత్థాప్య

³¹ఇస్రాయేల్వంశానాం మనఃపరివర్త్తనం పాపక్షమాఞ్చ కర్త్తుం రాజానం పరిత్రాతారఞ్చ కృత్వా స్వదక్షిణపార్శ్వే తస్యాన్నతిమ్ అకరోత్|

³²ఏతస్మిన్ వయమపి సాక్షిణ ఆస్మహే, తత్ కేవలం నహి, ఈశ్వర ఆజ్ఞాగ్రాహిభ్యో యం పవిత్రమ్ ఆత్మనం దత్తవాన్ సోపి సాక్ష్యస్తి|

³³ఏతద్వాక్యే శ్రుతే తేషాం హృదయాని విద్ధాన్యభవన్ తతస్తే తాన్ హన్తుం మన్త్రితవన్తః|

³⁴ఏతస్మిన్నేవ సమయే తత్సభాస్థానాం సర్వ్వలోకానాం మధ్యే సుఖ్యాతో గమిలీయేల్నామక ఏకో జనో వ్యవస్థాపకః ఫిరూశిలోక ఉత్థాయ ప్రేరితాన్ క్షణార్థం స్థానాన్తరం గన్తుమ్ ఆదిశ్య కథితవాన్,

³⁵హే ఇస్రాయేల్వంశీయాః సర్వ్వే యూయమ్ ఏతాన్ మానుషాన్ ప్రతి యత్ కర్త్తుమ్ ఉద్యతాస్తస్మిన్ సావధానా భవత|

³⁶ఇతః పూర్వ్వం థూదానామైకో జన ఉపస్థాయ స్వం కమపి మహాపురుషమ్ అవదత్, తతః ప్రాయేణ చతుఃశతలోకాస్తస్య మతగ్రాహిణోభవన్ పశ్చాత్ స హతోభవత్ తస్యాజ్ఞాగ్రాహిణో యావన్తో లోకాస్తే సర్వ్వే విర్కీర్ణాః సన్తో ఽకృతకార్య్యా అభవన్|

³⁷తస్మాజ్జనాత్ పరం నామలేఖనసమయే గాలీలీయయిహూదానామైకో జన ఉపస్థాయ బహూల్లోకాన్ స్వమతం గ్రాహీతవాన్ తతః సోపి వ్యనశ్యత్ తస్యాజ్ఞాగ్రాహిణో యావన్తో లోకా ఆసన్ తే సర్వ్వే వికీర్ణా అభవన్|

³⁸అధునా వదామి, యూయమ్ ఏతాన్ మనుష్యాన్ ప్రతి కిమపి న కృత్వా క్షాన్తా భవత, యత ఏష సఙ్కల్ప ఏతత్ కర్మ్మ చ యది మనుష్యాదభవత్ తర్హి విఫలం భవిష్యతి|