ப்ரேரிதா​: 13:27-41

²⁷யிரூஸா²லம்நிவாஸிநஸ்தேஷாம் அதி⁴பதயஸ்²ச தஸ்ய யீஸோ²​: பரிசயம்ʼ ந ப்ராப்ய ப்ரதிவிஸ்²ராமவாரம்ʼ பட்²யமாநாநாம்ʼ ப⁴விஷ்யத்³வாதி³கதா²நாம் அபி⁴ப்ராயம் அபு³த்³த்⁴வா ச தஸ்ய வதே⁴ந தா​: கதா²​: ஸப²லா அகுர்வ்வந்|

²⁸ப்ராணஹநநஸ்ய கமபி ஹேதும் அப்ராப்யாபி பீலாதஸ்ய நிகடே தஸ்ய வத⁴ம்ʼ ப்ரார்த²யந்த|

²⁹தஸ்மிந் யா​: கதா² லிகி²தா​: ஸந்தி தத³நுஸாரேண கர்ம்ம ஸம்பாத்³ய தம்ʼ க்ருஸா²த்³ அவதார்ய்ய ஸ்²மஸா²நே ஸா²யிதவந்த​:|

³⁰கிந்த்வீஸ்²வர​: ஸ்²மஸா²நாத் தமுத³ஸ்தா²பயத்,

³¹புநஸ்²ச கா³லீலப்ரதே³ஸா²த்³ யிரூஸா²லமநக³ரம்ʼ தேந ஸார்த்³த⁴ம்ʼ யே லோகா ஆக³ச்ச²ந் ஸ ப³ஹுதி³நாநி தேப்⁴யோ த³ர்ஸ²நம்ʼ த³த்தவாந், அதஸ்த இதா³நீம்ʼ லோகாந் ப்ரதி தஸ்ய ஸாக்ஷிண​: ஸந்தி|

³²அஸ்மாகம்ʼ பூர்வ்வபுருஷாணாம்ʼ ஸமக்ஷம் ஈஸ்²வரோ யஸ்மிந் ப்ரதிஜ்ஞாதவாந் யதா², த்வம்ʼ மே புத்ரோஸி சாத்³ய த்வாம்ʼ ஸமுத்தா²பிதவாநஹம்|

³³இத³ம்ʼ யத்³வசநம்ʼ த்³விதீயகீ³தே லிகி²தமாஸ்தே தத்³ யீஸோ²ருத்தா²நேந தேஷாம்ʼ ஸந்தாநா யே வயம் அஸ்மாகம்ʼ ஸந்நிதௌ⁴ தேந ப்ரத்யக்ஷீ க்ருʼதம்ʼ, யுஷ்மாந் இமம்ʼ ஸுஸம்ʼவாத³ம்ʼ ஜ்ஞாபயாமி|

³⁴பரமேஸ்²வரேண ஸ்²மஸா²நாத்³ உத்தா²பிதம்ʼ ததீ³யம்ʼ ஸ²ரீரம்ʼ கதா³பி ந க்ஷேஷ்யதே, ஏதஸ்மிந் ஸ ஸ்வயம்ʼ கதி²தவாந் யதா² தா³யூத³ம்ʼ ப்ரதி ப்ரதிஜ்ஞாதோ யோ வரஸ்தமஹம்ʼ துப்⁴யம்ʼ தா³ஸ்யாமி|

³⁵ஏதத³ந்யஸ்மிந் கீ³தே(அ)பி கதி²தவாந்| ஸ்வகீயம்ʼ புண்யவந்தம்ʼ த்வம்ʼ க்ஷயிதும்ʼ ந ச தா³ஸ்யஸி|

³⁶தா³யூதா³ ஈஸ்²வராபி⁴மதஸேவாயை நிஜாயுஷி வ்யயிதே ஸதி ஸ மஹாநித்³ராம்ʼ ப்ராப்ய நிஜை​: பூர்வ்வபுருஷை​: ஸஹ மிலித​: ஸந் அக்ஷீயத;

³⁷கிந்து யமீஸ்²வர​: ஸ்²மஸா²நாத்³ உத³ஸ்தா²பயத் ஸ நாக்ஷீயத|

³⁸அதோ ஹே ப்⁴ராதர​:, அநேந ஜநேந பாபமோசநம்ʼ ப⁴வதீதி யுஷ்மாந் ப்ரதி ப்ரசாரிதம் ஆஸ்தே|

³⁹ப²லதோ மூஸாவ்யவஸ்த²யா யூயம்ʼ யேப்⁴யோ தோ³ஷேப்⁴யோ முக்தா ப⁴விதும்ʼ ந ஸ²க்ஷ்யத² தேப்⁴ய​: ஸர்வ்வதோ³ஷேப்⁴ய ஏதஸ்மிந் ஜநே விஸ்²வாஸிந​: ஸர்வ்வே முக்தா ப⁴விஷ்யந்தீதி யுஷ்மாபி⁴ ர்ஜ்ஞாயதாம்ʼ|

⁴⁰அபரஞ்ச| அவஜ்ஞாகாரிணோ லோகாஸ்²சக்ஷுருந்மீல்ய பஸ்²யத| ததை²வாஸம்ப⁴வம்ʼ ஜ்ஞாத்வா ஸ்யாத யூயம்ʼ விலஜ்ஜிதா​:| யதோ யுஷ்மாஸு திஷ்ட²த்ஸு கரிஷ்யே கர்ம்ம தாத்³ருʼஸ²ம்ʼ| யேநைவ தஸ்ய வ்ருʼத்தாந்தே யுஷ்மப்⁴யம்ʼ கதி²தே(அ)பி ஹி| யூயம்ʼ ந தந்து வ்ருʼத்தாந்தம்ʼ ப்ரத்யேஷ்யத² கதா³சந||

⁴¹யேயம்ʼ கதா² ப⁴விஷ்யத்³வாதி³நாம்ʼ க்³ரந்தே²ஷு லிகி²தாஸ்தே ஸாவதா⁴நா ப⁴வத ஸ கதா² யதா² யுஷ்மாந் ப்ரதி ந க⁴டதே|