ପ୍ରକାଶିତଂ 18

1

2

3

4

5

6

7

8

9

10

11

12

13

14

15

16

17

18

19

20

21

22

¹ତଦନନ୍ତରଂ ସ୍ୱର୍ଗାଦ୍ ଅୱରୋହନ୍ ଅପର ଏକୋ ଦୂତୋ ମଯା ଦୃଷ୍ଟଃ ସ ମହାପରାକ୍ରମୱିଶିଷ୍ଟସ୍ତସ୍ୟ ତେଜସା ଚ ପୃଥିୱୀ ଦୀପ୍ତା|

²ସ ବଲୱତା ସ୍ୱରେଣ ୱାଚମିମାମ୍ ଅଘୋଷଯତ୍ ପତିତା ପତିତା ମହାବାବିଲ୍, ସା ଭୂତାନାଂ ୱସତିଃ ସର୍ୱ୍ୱେଷାମ୍ ଅଶୁଚ୍ୟାତ୍ମନାଂ କାରା ସର୍ୱ୍ୱେଷାମ୍ ଅଶୁଚୀନାଂ ଘୃଣ୍ୟାନାଞ୍ଚ ପକ୍ଷିଣାଂ ପିଞ୍ଜରଶ୍ଚାଭୱତ୍|

³ଯତଃ ସର୍ୱ୍ୱଜାତୀଯାସ୍ତସ୍ୟା ୱ୍ୟଭିଚାରଜାତାଂ କୋପମଦିରାଂ ପୀତୱନ୍ତଃ ପୃଥିୱ୍ୟା ରାଜାନଶ୍ଚ ତଯା ସହ ୱ୍ୟଭିଚାରଂ କୃତୱନ୍ତଃ ପୃଥିୱ୍ୟା ୱଣିଜଶ୍ଚ ତସ୍ୟାଃ ସୁଖଭୋଗବାହୁଲ୍ୟାଦ୍ ଧନାଢ୍ୟତାଂ ଗତୱନ୍ତଃ|

⁴ତତଃ ପରଂ ସ୍ୱର୍ଗାତ୍ ମଯାପର ଏଷ ରୱଃ ଶ୍ରୁତଃ, ହେ ମମ ପ୍ରଜାଃ, ଯୂଯଂ ଯତ୍ ତସ୍ୟାଃ ପାପାନାମ୍ ଅଂଶିନୋ ନ ଭୱତ ତସ୍ୟା ଦଣ୍ଡୈଶ୍ଚ ଦଣ୍ଡଯୁକ୍ତା ନ ଭୱତ ତଦର୍ଥଂ ତତୋ ନିର୍ଗଚ୍ଛତ|

⁵ଯତସ୍ତସ୍ୟାଃ ପାପାନି ଗଗନସ୍ପର୍ଶାନ୍ୟଭୱନ୍ ତସ୍ୟା ଅଧର୍ମ୍ମକ୍ରିଯାଶ୍ଚେଶ୍ୱରେଣ ସଂସ୍ମୃତାଃ|

⁶ପରାନ୍ ପ୍ରତି ତଯା ଯଦ୍ୱଦ୍ ୱ୍ୟୱହୃତଂ ତଦ୍ୱତ୍ ତାଂ ପ୍ରତି ୱ୍ୟୱହରତ, ତସ୍ୟାଃ କର୍ମ୍ମଣାଂ ଦ୍ୱିଗୁଣଫଲାନି ତସ୍ୟୈ ଦତ୍ତ, ଯସ୍ମିନ୍ କଂସେ ସା ପରାନ୍ ମଦ୍ୟମ୍ ଅପାଯଯତ୍ ତମେୱ ତସ୍ୟାଃ ପାନାର୍ଥଂ ଦ୍ୱିଗୁଣମଦ୍ୟେନ ପୂରଯତ|

⁷ତଯା ଯାତ୍ମଶ୍ଲାଘା ଯଶ୍ଚ ସୁଖଭୋଗଃ କୃତସ୍ତଯୋ ର୍ଦ୍ୱିଗୁଣୌ ଯାତନାଶୋକୌ ତସ୍ୟୈ ଦତ୍ତ, ଯତଃ ସା ସ୍ୱକୀଯାନ୍ତଃକରଣେ ୱଦତି, ରାଜ୍ଞୀୱଦ୍ ଉପୱିଷ୍ଟାହଂ ନାନାଥା ନ ଚ ଶୋକୱିତ୍|

⁸ତସ୍ମାଦ୍ ଦିୱସ ଏକସ୍ମିନ୍ ମାରୀଦୁର୍ଭିକ୍ଷଶୋଚନୈଃ, ସା ସମାପ୍ଲୋଷ୍ୟତେ ନାରୀ ଧ୍ୟକ୍ଷ୍ୟତେ ୱହ୍ନିନା ଚ ସା; ଯଦ୍ ୱିଚାରାଧିପସ୍ତସ୍ୟା ବଲୱାନ୍ ପ୍ରଭୁରୀଶ୍ୱରଃ,

⁹ୱ୍ୟଭିଚାରସ୍ତଯା ସାର୍ଦ୍ଧଂ ସୁଖଭୋଗଶ୍ଚ ଯୈଃ କୃତଃ, ତେ ସର୍ୱ୍ୱ ଏୱ ରାଜାନସ୍ତଦ୍ଦାହଧୂମଦର୍ଶନାତ୍, ପ୍ରରୋଦିଷ୍ୟନ୍ତି ୱକ୍ଷାଂସି ଚାହନିଷ୍ୟନ୍ତି ବାହୁଭିଃ|

¹⁰ତସ୍ୟାସ୍ତୈ ର୍ୟାତନାଭୀତେ ର୍ଦୂରେ ସ୍ଥିତ୍ୱେଦମୁଚ୍ୟତେ, ହା ହା ବାବିଲ୍ ମହାସ୍ଥାନ ହା ପ୍ରଭାୱାନ୍ୱିତେ ପୁରି, ଏକସ୍ମିନ୍ ଆଗତା ଦଣ୍ଡେ ୱିଚାରାଜ୍ଞା ତ୍ୱଦୀଯକା|

¹¹ମେଦିନ୍ୟା ୱଣିଜଶ୍ଚ ତସ୍ୟାଃ କୃତେ ରୁଦନ୍ତି ଶୋଚନ୍ତି ଚ ଯତସ୍ତେଷାଂ ପଣ୍ୟଦ୍ରୱ୍ୟାଣି କେନାପି ନ କ୍ରୀଯନ୍ତେ|

¹²ଫଲତଃ ସୁୱର୍ଣରୌପ୍ୟମଣିମୁକ୍ତାଃ ସୂକ୍ଷ୍ମୱସ୍ତ୍ରାଣି କୃଷ୍ଣଲୋହିତୱାସାଂସି ପଟ୍ଟୱସ୍ତ୍ରାଣି ସିନ୍ଦୂରୱର୍ଣୱାସାଂସି ଚନ୍ଦନାଦିକାଷ୍ଠାନି ଗଜଦନ୍ତେନ ମହାର୍ଘକାଷ୍ଠେନ ପିତ୍ତଲଲୌହାଭ୍ୟାଂ ମର୍ମ୍ମରପ୍ରସ୍ତରେଣ ୱା ନିର୍ମ୍ମିତାନି ସର୍ୱ୍ୱୱିଧପାତ୍ରାଣି

¹³ତ୍ୱଗେଲା ଧୂପଃ ସୁଗନ୍ଧିଦ୍ରୱ୍ୟଂ ଗନ୍ଧରସୋ ଦ୍ରାକ୍ଷାରସସ୍ତୈଲଂ ଶସ୍ୟଚୂର୍ଣଂ ଗୋଧୂମୋ ଗାୱୋ ମେଷା ଅଶ୍ୱା ରଥା ଦାସେଯା ମନୁଷ୍ୟପ୍ରାଣାଶ୍ଚୈତାନି ପଣ୍ୟଦ୍ରୱ୍ୟାଣି କେନାପି ନ କ୍ରୀଯନ୍ତେ|

¹⁴ତୱ ମନୋଽଭିଲାଷସ୍ୟ ଫଲାନାଂ ସମଯୋ ଗତଃ, ତ୍ୱତ୍ତୋ ଦୂରୀକୃତଂ ଯଦ୍ୟତ୍ ଶୋଭନଂ ଭୂଷଣଂ ତୱ, କଦାଚନ ତଦୁଦ୍ଦେଶୋ ନ ପୁନ ର୍ଲପ୍ସ୍ୟତେ ତ୍ୱଯା|

¹⁵ତଦ୍ୱିକ୍ରେତାରୋ ଯେ ୱଣିଜସ୍ତଯା ଧନିନୋ ଜାତାସ୍ତେ ତସ୍ୟା ଯାତନାଯା ଭଯାଦ୍ ଦୂରେ ତିଷ୍ଠନତୋ ରୋଦିଷ୍ୟନ୍ତି ଶୋଚନ୍ତଶ୍ଚେଦଂ ଗଦିଷ୍ୟନ୍ତି

¹⁶ହା ହା ମହାପୁରି, ତ୍ୱଂ ସୂକ୍ଷ୍ମୱସ୍ତ୍ରୈଃ କୃଷ୍ଣଲୋହିତୱସ୍ତ୍ରୈଃ ସିନ୍ଦୂରୱର୍ଣୱାସୋଭିଶ୍ଚାଚ୍ଛାଦିତା ସ୍ୱର୍ଣମଣିମୁକ୍ତାଭିରଲଙ୍କୃତା ଚାସୀଃ,

¹⁷କିନ୍ତ୍ୱେକସ୍ମିନ୍ ଦଣ୍ଡେ ସା ମହାସମ୍ପଦ୍ ଲୁପ୍ତା| ଅପରଂ ପୋତାନାଂ କର୍ଣଧାରାଃ ସମୂूହଲୋକା ନାୱିକାଃ ସମୁଦ୍ରୱ୍ୟୱସାଯିନଶ୍ଚ ସର୍ୱ୍ୱେ

¹⁸ଦୂରେ ତିଷ୍ଠନ୍ତସ୍ତସ୍ୟା ଦାହସ୍ୟ ଧୂମଂ ନିରୀକ୍ଷମାଣା ଉଚ୍ଚୈଃସ୍ୱରେଣ ୱଦନ୍ତି ତସ୍ୟା ମହାନଗର୍ୟ୍ୟାଃ କିଂ ତୁଲ୍ୟଂ?

¹⁹ଅପରଂ ସ୍ୱଶିରଃସୁ ମୃତ୍ତିକାଂ ନିକ୍ଷିପ୍ୟ ତେ ରୁଦନ୍ତଃ ଶୋଚନ୍ତଶ୍ଚୋଚ୍ଚୈଃସ୍ୱରେଣେଦଂ ୱଦନ୍ତି ହା ହା ଯସ୍ୟା ମହାପୁର୍ୟ୍ୟା ବାହୁଲ୍ୟଧନକାରଣାତ୍, ସମ୍ପତ୍ତିଃ ସଞ୍ଚିତା ସର୍ୱ୍ୱୈଃ ସାମୁଦ୍ରପୋତନାଯକୈଃ, ଏକସ୍ମିନ୍ନେୱ ଦଣ୍ଡେ ସା ସମ୍ପୂର୍ଣୋଚ୍ଛିନ୍ନତାଂ ଗତା|

²⁰ହେ ସ୍ୱର୍ଗୱାସିନଃ ସର୍ୱ୍ୱେ ପୱିତ୍ରାଃ ପ୍ରେରିତାଶ୍ଚ ହେ| ହେ ଭାୱିୱାଦିନୋ ଯୂଯଂ କୃତେ ତସ୍ୟାଃ ପ୍ରହର୍ଷତ| ଯୁଷ୍ମାକଂ ଯତ୍ ତଯା ସାର୍ଦ୍ଧଂ ଯୋ ୱିୱାଦଃ ପୁରାଭୱତ୍| ଦଣ୍ଡଂ ସମୁଚିତଂ ତସ୍ୟ ତସ୍ୟୈ ୱ୍ୟତରଦୀଶ୍ୱରଃ||

²¹ଅନନ୍ତରମ୍ ଏକୋ ବଲୱାନ୍ ଦୂତୋ ବୃହତ୍ପେଷଣୀପ୍ରସ୍ତରତୁଲ୍ୟଂ ପାଷାଣମେକଂ ଗୃହୀତ୍ୱା ସମୁଦ୍ରେ ନିକ୍ଷିପ୍ୟ କଥିତୱାନ୍, ଈଦୃଗ୍ବଲପ୍ରକାଶେନ ବାବିଲ୍ ମହାନଗରୀ ନିପାତଯିଷ୍ୟତେ ତତସ୍ତସ୍ୟା ଉଦ୍ଦେଶଃ ପୁନ ର୍ନ ଲପ୍ସ୍ୟତେ|

²²ୱଲ୍ଲକୀୱାଦିନାଂ ଶବ୍ଦଂ ପୁନ ର୍ନ ଶ୍ରୋଷ୍ୟତେ ତ୍ୱଯି| ଗାଥାକାନାଞ୍ଚ ଶବ୍ଦୋ ୱା ୱଂଶୀତୂର୍ୟ୍ୟାଦିୱାଦିନାଂ| ଶିଲ୍ପକର୍ମ୍ମକରଃ କୋ ଽପି ପୁନ ର୍ନ ଦ୍ରକ୍ଷ୍ୟତେ ତ୍ୱଯି| ପେଷଣୀପ୍ରସ୍ତରଧ୍ୱାନଃ ପୁନ ର୍ନ ଶ୍ରୋଷ୍ୟତେ ତ୍ୱଯି|

²³ଦୀପସ୍ୟାପି ପ୍ରଭା ତଦ୍ୱତ୍ ପୁନ ର୍ନ ଦ୍ରକ୍ଷ୍ୟତେ ତ୍ୱଯି| ନ କନ୍ୟାୱରଯୋଃ ଶବ୍ଦଃ ପୁନଃ ସଂଶ୍ରୋଷ୍ୟତେ ତ୍ୱଯି| ଯସ୍ମାନ୍ମୁଖ୍ୟାଃ ପୃଥିୱ୍ୟା ଯେ ୱଣିଜସ୍ତେଽଭୱନ୍ ତୱ| ଯସ୍ମାଚ୍ଚ ଜାତଯଃ ସର୍ୱ୍ୱା ମୋହିତାସ୍ତୱ ମାଯଯା|

²⁴ଭାୱିୱାଦିପୱିତ୍ରାଣାଂ ଯାୱନ୍ତଶ୍ଚ ହତା ଭୁୱି| ସର୍ୱ୍ୱେଷାଂ ଶୋଣିତଂ ତେଷାଂ ପ୍ରାପ୍ତଂ ସର୍ୱ୍ୱଂ ତୱାନ୍ତରେ||