17हे़क्क्याङ् यरुसले़म के़प्मनाःल्ले़ खे़प्मोबा नसानिबाहाॽरे़ लुङ्मे़न्दिङ् याप्मि लाम्मे़दाःक्तिगे़रो॥
18हे़क्क्याङ् कुदाःन्दिक्मा पावले़न् आनिगे़ लाम्लोःबा याकुबरे़ कुहिम्मो आनिगे़नु पे॥ खे़प्मो के़रे़क् तुम्लाम्लोःबाहाॽ मे़जुप्से़आङ् मे़युङे़रो॥
19पावलरे़ खे़ङ्हाॽ के़रे़क् सेवा मे़त्तुसिआङ् खुने़ॽ कुहुक्कोलाम् थिम्मे़न्दङ् सुवाङ्हाॽरो अक्खेलॽरिक् निङ्वाॽफुमाङ्ङिल्ले़ याःम्बक् चोगु के़लॽबा काक् पाःन्हाॽ चे़क्तुसिरो॥
20हे़क्क्याङ् खे़ङ्हाॽरे़ खे़न् मे़घे़प्सुआङ् निङ्वाॽफुमाङ्ङिल्ले़ कुनारा मे़भोःसु, हे़क्क्याङ् खे़ङ्हाॽरे़ खुने़ॽ अक्खे मे़मे़त्तु, “नुसाॽए, ओमे़त्ते़ॽना, कप्मोआङ् यरिक् हे़न्छिङ् यहुदिहाॽरे़ ये़सुःन्नसाःन् मे़जोगुआङ् मे़वाॽरो॥ खे़ङ्हाॽ मोसारे़ साप्तुबा साम्योथिम्मिन् इःप्मा नाःप्मा खुनिॽ सिक् के़सम्बा मे़जोःक्॥