32 मिनु लेवी आन सहरमी बाक्शो खिं चहिं मेकोपुकीमी आंम खिं गेना हना यो लेन्ने चाप्नीम। गन्ती ३५:२-५
33 लेवी आन सहरम बाक्शो लेयशो खिं अरु लेवीम लेन्ने मचाप्तेक्म हना, प्रोंइतीक बर्समी मेको खिं लेश्शा, मेको कली गेचा माल्ब। मारदे हना लेवी आन सहरम बाक्शो खिं इस्राएली आन दातेमी लेवी आन शोंप बाक्नीम।
34 मेको आन सहर क्येङा लाङगाम बाक्शो रूपुकी लेयचा मताइनीम। मारदे हना मेको आन गेना हना यो लीब शोंप बाक्नीम।
35 मिनु इन इस्राएली लोक्ब का शुश प्रुङग दुम्शा, पने जने मचाप्तु हना, गेपुकीमी मेको कली अर्को रागी ङा मुर खोदेंशो पा वारच पचा माल्नीनी। मिनु मेको गेपुकी नु बाक्ने चबल।
36 मिनु गे मेको कली जेर गेनीनु, आ चाइक्ब मताक्कीन। गे इन परमप्रभु क्येङा हिनीन। मिनु इन लोक्ब कली गे नु बाक्चा गेन। प्रस्थान २२:२४; ब्यवस्था २३:२०
37 गेपुकीमी मेको कली क्येट गेतीकेमी चाइक्ब मताक्कीन। मिनु मेको कली जचा थोव़क गेशा, मेको आ क्येङा शुश मलेप्पाइक्तीन।
38 गो इन परमप्रभु दुम्चा नु इन कली कनान रागी गेचा, दे इन कली इजीप्त रागी रे ग्रुंइशा, एक चाक्ब, गो परमप्रभु यावे, इन परमप्रभु नङ।
