9 मिनु गे इन बाली नाली रिक्नीनु, रू आ सुर सुर सम्म मरिक्कीन। सिला बाला मगुपीन। लेवी २३:२२; ब्यवस्था २४:१९; रूथ २:२,१५,१६
10 गेपुकीमी इन अङगुर रू ङा फल काइ मलीपाइक्थु, मसेक्कीन। मिनु रूम दोक्शो अङगुर यो मगुपीन। मेको प्रुङग नु अर्को रागी ङा मुर आन कली बाक्ल। गो परमप्रभु यावे, इन परमप्रभु नङ।
11 गे खुइ मपने। मठगेने। गे जोल मपमुने। प्रस्थान २०:१५-१६; १ थिस्सलोनिकी ४:६
12 गेपुकीमी आं नें थिशा, जोल पा कसम मजने। मो पाइतीनी हना, गे इन परमप्रभु आ नें आइक्च सेल्नीनी। गो परमप्रभु यावे नङ। प्रस्थान २०:७; मत्ती ५:३३
