24जमाहेन्से पिलातससे येशूदा थेनीगदेसे भिबा ह्रङ्नोन लपुङ्जी।
25ओच्छे आन्दोलन लसी म्हि साइबासे लमा झ्याल्खानरी झाङ्बा बारब्बादा पिलातससे पुइसी पिन्जी। तिग्दा भिसम म्हिगदेसे थेदान पुइसी पिन्गो भिसी भिमुबा। तर येशूदा चा थेनीगदेसे पाङ्बा अन्छार थेनीगदेला यारी जिम्मा लसी पिन्जी।
26जमाहेन्से थेनीगदेसे येशूदा थेग्याम भोर्बान लमा कुरेनी भिबा ग्लाला सिमोन खबान मुबा। थेदा चुङ्सी येशूला क्रुस पुइपुङ्सी येशूला लिच्छा लिच्छा भ्रपुङ्जी।
27ओच्छे म्हिला हुल येशूला लिच्छा लिच्छा निजी। थेरी म्रिङम्हेमेगदेएनोन क्राबा क्रिङ्बा लबान मुबा।
28तर थेनीगदेपट्टि दोःसी येशूसे चुह्रङ् भिसी सुङ्जी, “यरूशलेमला झामेगदे, ङाला लागिरी थाक्रागो, तर ह्राङलान लागिरी ओच्छे ह्राङलान कोलागदेला लागिरी क्रागो।