12परमेश्वरसे मोशादा पिन्बा ठिम था आयाङ्ना पाप गे लबा अर्गु य्हुलला म्हिगदेएनोन नाश तला, ओच्छे थे ठिम था याङ्सीनोन पाप गे लबा यहूदीगदेदाएनोन थे ठिमग्यामसेन निसाफ लला।
13तिग्दा भिसम मोशाला ठिम सेसी घोसी जे परमेश्वरदा सेम निबा म्हि दोबारी आखम। तर ठिम अन्छार गे लबा म्हि चा परमेश्वरदा सेम निबा म्हि दोला।
14अर्गु य्हुलला म्हिगदेदेन छ्याम परमेश्वरसे मोशादा पिन्बा ठिम आरे। तसैनोन थेनीगदे न्हङला कोइ कोइसे ह्राङला बानीबेहोरग्याम लबा गेगदे ठिमदेन छ्याम ढिक्बासे लमा थेनीगदे ह्राङनोन ठिम तेबान हिन्ना।
15थेनीगदेसे लबा गे ठिमदेन छ्याम ढिक्बासे लमा थेनीगदेला सेमरीन ठिम मुला भिसी उन्मुला। थेतबासेलमा थेनीगदेला सेमसे खाइमाम दोष उन्मुला, खाइमाम भङ पिन्मुला।
16चु ताम परमेश्वरसे येशू ख्रीष्टग्याम म्हिला सेमला ताम निसाफ लबा धुइरी तला। थे ताम ङाइ एनीगदेदा थार्बा पिन्बा समाचार थेःना लबा धुइरी पाङ्सी जिन्बा मुला।