24 नोफा दाइश्शा नेनीन, सुमी आं लोव़ नेंबा नु आं कली सोइक्ब आं आफ परमप्रभु यावे कली थमा सुइक्बा, मेको गेना हना यो ब्रोंइशा बाक्चा ताइब। सजाइ मताइब। मारदे हना बेक्शो रे गेना हना यो ब्रोंइशा बाक्चा ताइब। यूहन्ना ३:१६-१८
25 नोफा दाइश्शा नेनीन, बेक्शो मुरपुकीमी मुल परमप्रभु यावे आ तौ आ सेंदा नेंनीम। सुमी नेंबा, मेको गेना हना यो ब्रोंइशा बाक्चा ताइब। एफिसी २:५-६
26 परमप्रभु यावे नु ब्रोंइतीक सोक्त बाक्ब। मिनु आ तौ कली यो मोदेंशो ब्रोंइतीक सोक्ती गेशो बाक्त। यूहन्ना १:१-४
27 मिनु आ तौ कली निसाफ पतीक अधिकार गेप्तु। मारदे हना आ तौ रागीमी जरमेसीशो बाक्ब। दानीएल ७:१३-१४
28 आं देंशो आ पर्बम छक मलाक्कीन। मारदे हना इच्का नोले तुरसुमी बाक्शो बेक्शो मुर नेल्लेमी रागीमी जरमेशो आ सेंदा नेंनीम।
29 ङोंइती रिम्शो पाइबपुकी गेना हना यो ब्रोंइशा बाक्चा कली सेंसीनीम। मरिम्शो पाइबपुकी चहिं सजाइ तचा कली सेंसीनीम। दानीएल १२:२; मत्ती २५:४६; २कोरिन्थी ५:१०
