1 यरूसलेममी यहूदी आन के चाड का बाक्त। मिनु येसु यरूसलेम लत। यूहन्ना २:१३
2 यरूसलेम सहर कली गारोमी हिरशो बाक्ब। मेको गारोमी लाप्चोपुकी बाक्नीम। मेको गारो ङा ठेयब लाप्चो का कली भेडा लाप्चो देंनीम। मेको आ नेक्थामी हिब्रू लोव़मी बेथेस्दा माइश्शो दोम्ली का बाक्ब। मेको दोम्ली बाक्तीकेमी ५ ओटा पाटी खिं बाक्नीम। नेहेम्याह ३:१
3 मेको खिं आगामी शुश रोइ पाइब, मिक्च मताइब, गुइ खोइल मदुक्ब, रां सोव़शो रोइ पाइबपुकी बाक्शो बाक्तेक्म। मेको मुरपुकी दोम्ली ङा ब्वाक्कु गेना हिम्सीब, दे कोव़चा कली बाक्शो बाक्मा बाक्त।
4 मारदे हना परमप्रभु यावे आ स्वर्ग ङा गेय पाइबमी यिशा, दोम्ली ङा ब्वाक्कु कली हिम्बाक्माक्त। मिनु ब्वाक्कु हिम्सेनु, नेल्ल क्येङा ङोंइती दोम्लीम ग्रुम्ब आ रोइ साबाक्माक्त।
5 मिनु मेकेर ३८ बर्स सम्म रोइ पशो मुर का बाक्त।
6 मिनु येसुमी मेको कली तशा “मेको मुर शुश बर्स रोइ पशो बाक्त” दे तुइश्शा “गे साचा दाक्नेवे?” दे हिल्लो पाप्तु।
