7ङाइ एदा तोरग्याम न्हतोःला भिसी पाङ्मा ए उदेक थातउ।
8लाबा खानङपट्टि निम्हन्जी थेनोनपट्टि निमुला। लाबा खबा एसे था याङ्मुला, तर थे खानङग्याम खजी खानङपट्टि निजी भिबा एदा था आरे। परमेश्वरला आत्माग्याम न्हबा म्हिगदेएनोन थेह्रङ्बान तमुला।”
9निकोदेमससे येशूदा “चु खाह्रङ् लसी तखम्ला?” भिसी ङ्योइजी।
10जमाहेन्से येशूसे थेदा चुह्रङ् भिसी सुङ्जी, “ए इस्राएलीगदेला गुरु तसीनोन चु ताम आघोनी?