24थे धुइधोना यूहन्ना झ्याल्खानरी परब तबा आरेमुबा।
25थेनोन धुइरी यूहन्नाला चेलागदे यहूदी गिकदेन छ्याम चोखो तबाला बारेरी ताम लबान मुबा।
26जमाहेन्से थेनीगदे यूहन्ना मुबा ग्लारी खसी, “गुरु, यर्दन क्याम्सङ मुबा धुइरी ह्राङसे ङन्दा म्हि गिकला बारेरी सुङ्मुबा, थे म्हि ह्राङदेन छ्यामनोन मुबा। दान्दे थेसेनोन बप्तिस्मा पिन्बान मुला, ओच्छे जम्मान म्हिगदे थे मुबा ग्लारी निबान मुला” भिसी भिजी।
27यूहन्नासे थेनीगदेदा चुह्रङ् भिसी जोहाब पिन्जी, “परमेश्वरसे आपिन्तेधोना म्हिसे तिगै स्हे आयाङ्।
28‘ङा थार्बा पिन्बा ख्रीष्ट आहिन, तर थे भन्दा ङाच्छा पुइखबा म्हि जे हिन्ना’ भिसी ङाला बारेरी पाङ्बा ताम एनीगदेदान था मुला।