39ओच्छे ङाच्छा म्हुनङ येशू मुबा ग्लारी निबा निकोदेमसएनोन बोगल गिकसे च्युक सोम किलो ते मूर्रदेन घ्युकुमारी दोङ्सी स्होबा ज्यबा बास्ना खबा अत्तर भसी खजी।
40चुह्रङ् लसी थेनीगदेसे यहूदीगदेला ठिम अन्छार येशूला लासरी थे बास्ना खबा अत्तर फोर्सी मलमलला क्वानरी रिल्जी।
41येशूदा क्रुसरी टाँगब लबा ग्लाला ङामरी बगैँचा गिक मुबा। थे बगैँचारी खालैलान लास आथान्बा छार धुर्सा गिक मुबा।