3ओच्छे येशूला ङामरी खसी, “लास्सो यहूदीगदेला ग्ले, फ्याफुल्ला” भिसी येशूदा खिसी लबान ग्रम्बारी तोबारी छ्याइजी।
4पिलातस दोःसी मङग्यार खसी थेरी मुबा म्हिगदेदा “च्यागो, ङाइ चु म्हिदा सजाय पिन्बा तिगै दोष आस्याप्नी। चु ताम एनीगदेदा था तगै भिसी ङाइ थेदा मङग्यार भबा मुला” भिसी भिजी।
5येशू पुजुला फेटादेन वाला वाला पिङगै छोनना क्वान क्वान्सीन मङग्यार फेप्खजी। जमाहेन्से पिलातससे थेनीगदेदा “लु, च्यागो, चु म्हिदा!” भिसी भिजी।