9 मिनु गो मेको आन पर्बमी इन कली पुंइनुङ। रागी ङा मुर आन पर्बम मपुंइनुङ। आं कली गेशो मुर आन पर्बम पुंइनुङ। मारदे हना मेकोपुकी इन के नम। यूहन्ना ६:३७,४४
10 आं मुर नेल्ल इन के नम। इन के आं के नम। मेकोपुकीमी आं सक्ति कोंइनीम। यूहन्ना १६:१५
11 मुल गो रागीमी शुश नाक्त मबाक्नुङ। गे का ला बाक्शो आं आफ, इन बाक्तीक जाक्चशो बाक्नुङ। तन्न मेकोपुकी रागीमी बाक्नीम। आं आफ, आं कली गेशो मुर इन नें ङा सक्तिमी रिम्शो कोव़शा वोतीन। दोपा गो गे नु थुं का ङा बाक्ङा, मोपा मेकोपुकी यो थुं का दुम्शा बाक्मल, दे सक्ति गेने।
12 गो आं कली गेशो मुरपुकी नु बाक्ङानु, इन नें ङा सक्तिमी रिम्शो कोव़शा वोइक्तामी। सुइ मजाम्म। इन ब्रेक्पाइश्शो लोव़ थमा दुम्चा, दे का चहिं जाम्शा, नरक लाइब दुम्त। यूहन्ना ६:३९; भजन संग्रह ४१:१०
