17 मेको आन साइक्चा पुंइसीचा ङा गो साइक्चा पुंइसीनुङ। मोपतीके आं आफोमी आं कली दाक्ब, मिनु आं कली बेक्शो रे सेंब।
18 गो साइक्चा मपुंइसाक्यी हना, सुइमी आं कली साइक्ने मचाप्नीम। गो आं के साइक्चा पुंइसीतीके अधिकार बाक्ब। मिनु बेक्शो रे सेंसीचा अधिकार यो बाक्ब। मेको अधिकार निम्फा आं आफोमी गेती” दे शेंताक्व। यूहन्ना ५:२६
19 येसु आ लोव़ नेंशा, यहूदीपुकी लेंशा ब्रातेक्म। यूहन्ना ७:४३; यूहन्ना ९:१६
20 शुश यहूदीपुकीमी “एको वोलमी सुम्शा गशो बाक्त। मारदे आ लोव़ नेंनीनी?” देंतेक्म। यूहन्ना ७:२०; मर्कूस ३:२१
21 का निक्शीमी चहिं “एको आ लोव़ वोलमी सुम्शो मुर आ पशो खोदेंशो मनेंसीब। वोलमी मिक्च मताइब मुर आ मिक्च तपाइक्ने चाप्बा ङा?” देंतेक्म।
