25ओच्छे थेसे थे गे लबागदेदेन अर्गु थेह्रङ्बान गे लबागदे जम्मादान ग्ला गिकरी ह्रुप लसी चुह्रङ् भिसी भिजी, “ङाला ह्रोगदे, एनीगदेदा थानोन मुला, य्हाङदा चुनोन गेग्याम ल्हानान फाइदा मुला।
26एनीगदेसे म्राङ्बादेन थेःबा तामगदे एफिससरी जे आहिन, तर एशियाला जम्मान ग्लारी पावल भिबा म्हिसे म्हिला याग्याम स्होबा ल लुगदे चा तिगै आहिन भिसी ल्हानान म्हिगदेदा व्हाम्सी भोर्बा मुबा।
27थेतबासेलमा य्हाङला व्यापार म्हासी निबा जे आहिन, तर आर्तेमिस भिबा घ्रेन लुला मन्दिरएनोन गे आखेल्बा तला, ओच्छे एशियाला जम्मान ग्लादेन जम्बुलिङ न्हङनोन घ्रेन मान पिन्बा लुदा तेन्बा ख्लाला।”
28चु ताम थेःसी थेनीगदेदा ल्हानान बोमो रेःजी, ओच्छे “एफिससला म्हिगदेला आर्तेमिसनोन घ्रेन हिन्ना” भिसी थेनीगदे क्रिङ्बारी छ्याइजी।
29ओच्छे शहर न्हङनोन हल्ली खल्ली तजी। जमाहेन्से थेनीगदे जम्मान ढिक्सी माकेडोनियाला गायसदेन अरिस्तार्खस भिबा पावलला ह्रो न्हीदा चुङ्सी डुइबा छेङ्बा लसी रङगशाला न्हङरी भोर्जी।
मुल चेला 19
मुल चेला 19:25-29