3परमप्रभु यावे, आं परमप्रभु, मेको आन देंशो खोदेंशो पा, गो आं गुइमी मरिम्शो पाता हना, अय्युब ३१:७-३४
4गो गे नु दुशा बाक्ब आन कली श्येत गेता हना, आं कली बित्चीम श्येत गेमेनु, गो क्येक्क लेत्ताक्ङमी हना,
5आं जोरी सत्रुम आं कली खेदा पा ग्रामल। मिनु आं कली खपीम दिप्शा साइय्यीमील। मिनु आं नें जाम्शा लल। ठेयब सेंदा पा।
6परमप्रभु यावे, गे गाइश्शा, बोक्कीन। आं जोरी सत्रु आन पशो तशा, आं कली वारच पथ बोक्कीन। गे “गो निसाफ पचा माल्नुङ” दे लोव़ पाइतीनी।
7मिनु रागी रागी ङा मुरपुकी इन ङोंइती राप्नीम। मोपतीके इर ङा इन बाक्तीकेम मेको आन कली निसाफ पचा कली इन ठेयब नित्तीकेमी निस्सीन।
8परमप्रभु यावे जात जात ङा मुर आन कली निसाफ पाइब बाक्ब। परमप्रभु यावे, आं ठीक पशो नु आं आगाम बाक्शो ठीक पाइब थुं तशा, आं कली निसाफ पने। भजन संग्रह १८:२१-२७
9इन अरेशो मटीब आन मरिम्शो पतीके थुम्पतीन। मिनु नोले गे ठीक पाइब आन कली बोल्यो सेलीन। ठीक पाइब परमप्रभु, गे मुर आन थुं नु आन पतीके नाक्ब बाक्नीनी। भजन संग्रह १०४:३५; भजन संग्रह १३९:१; येरमीया ११:२०; प्रकाश २:२३
10परमप्रभु आं तेक्तीके बाक्ब। मेकोमी रिम्शो थुं पाइश्शो आन कली श्येत रे प्रोंइब।
भजन संग्रह 7
भजन संग्रह 7:3-10