15 मोदेंशो नेंशा “गे मार निप्स ग्यशो लोव़ पवी?” दे आ देंशो थमा मसुदमे बाक्त। रोदामी चहिं लोव़ थोक्शा, “थमान पत्रुस जाक्त” देंमेनु “मो हना पत्रुस ममाइ। पत्रुस कली कोव़ब परमप्रभु यावे आ स्वर्ग ङा गेय पाइब बाक्म माइ?” देंमा बाक्त।
16 मोपा लोव़ पना पन बाक्मानु, पत्रुसमी लाप्चो ख्रोकोल पाइक्स ङा पाइक्स बाक्माक्त। मिनु नोले लाप्चो रोक्शा कोव़ङमेनु, पत्रुस कली तशा “आल्लेइ” दे छक लाक्मा बाक्त।
17 मिनु पत्रुस ओव़शा आ गुइ हिक्शा, आ शोव़ थीप थीप पा सिक्सी पा नेनीन देंशा, दोपा प्रभुमी जेल्खान रे प्रोंइशा सोइक्ता, मेको नेल्ल तुइक्पाइक्मी बाक्त। मिनु “याकूब नु इं थमा सुइक्ब लोक्ब नेल्ल आन कली एको लोव़ नेंपतीन, है” देंशा, मेकेर रे गाक्माक्त।
