12 शुश गेय पाइब मुर दोशो जाप्तु हना यो, निन्द्रा पचा दाक्ब। तन्न शोंप पाइश्शो मुर आ शुश शोंपोम पतीके मेको कली निन्द्रा मजाक्ब।
13 गो रागीमी थम श्येत लाक्चा ङा मरिम्शो पशो का तशो बाक्नुङ। मेको मार बाक्ब देंशा हना मुरुमी आंमा खतम दुम्चा कली शोंप तेल्शो बाक्ब। मत्ती १९:२२
14 मेकोमी दोकका पा आ शोंप थुमा नोले, मेको के आल दुम्ब। मेना मेको आ गुइमी मारेइ मबाक्ब।
15 मुर ममा आ कोव़ज रे पा शिश्रा जाक्ब। मिनु मेको दोपा जाक्मे, मोपान लेश्शा लाइब। मेकोमी आ श्येत पा चेम्शो मारेइ लाइक्चा मताइब। अय्युब १:२१; भजन संग्रह ४९:१८; १तिमोथी ६:७
16 एको यो श्येत लाक्चा ङा मरिम्शो का बाक्ब। मुर दोपा जाक्बा, मोपान लेश्शा लाइब। मिनु मेको कली मार रिम्शो दुम्बा ङा? मारदे हना मेको आ पशो श्येत नेल्ल फश खोदेंशो दुम्ब।
17 मुरुमी आन ब्रोंइतीक नाक्त सम्म श्येत पा जशा तूशा, हिंशा, रोइ पा, सुर्ता पाइनीम।
