10 सुमी क्येट दाक्बा, मेको कली क्येटीमी गेनायो मजाक्दीप्ब। सुम शोंप दाक्बा, मेको मुर आ चेम्शोमी गेनायो मरूब। मेको यो जाम्शा लाइब बाक्ब। हितोपदेस २८:२२; लूका १२:१५
11 शोंप शुश बारमेनु, मेको जाइबपुकी यो बारनीम। मिनु मेको होव़प कली कोव़चा ङा लाक्शा, अरु मार रिम्शो दुम्बा ङा?
12 शुश गेय पाइब मुर दोशो जाप्तु हना यो, निन्द्रा पचा दाक्ब। तन्न शोंप पाइश्शो मुर आ शुश शोंपोम पतीके मेको कली निन्द्रा मजाक्ब।
13 गो रागीमी थम श्येत लाक्चा ङा मरिम्शो पशो का तशो बाक्नुङ। मेको मार बाक्ब देंशा हना मुरुमी आंमा खतम दुम्चा कली शोंप तेल्शो बाक्ब। मत्ती १९:२२
14 मेकोमी दोकका पा आ शोंप थुमा नोले, मेको के आल दुम्ब। मेना मेको आ गुइमी मारेइ मबाक्ब।
