ܪ̈ܗܘܡܝܐ 5:1-10

¹ܒܵܣ ܟܲܕ ܦܝܼܫ ܠܲܢ ܡܘܼܟܫܸܛܹܐ ܒܗܲܝܡܵܢܘܼܬܵ‌ܐ ܐܝܼܬ ܠܲܢ ܫܠܵܡܵܐ ܥܲܡ ܐܲܠܵܗܵܐ ܒܝܲܕ ܡܵܪܲܢ ܝܼܫܘܿܥ ܡܫܝܼܚܵܐ.

²ܒܝܼܹܗ ܐܝܼܬ ܠܲܢ ܩܲܪܒܲܢܬܵ‌ܐ ܒܗܲܝܡܵܢܘܼܬܵ‌ܐ ܠܐܵܗܵܐ ܫܵܦܵܩܲܬ ܕܟܸܠܝܹܐ ܝܘܲܚ ܩܸܘܝܹܐ ܓܵܘܘܼܗ̇، ܘܒܸܚܕܵܝܵܐ ܝܘܲܚ ܒܗܹܒ݂ܝܼ ܕܫܘܼܒ݂ܚܵܐ ܕܐܲܠܵܗܵܐ.

³ܠܵܐ ܐܲܚܟ̰ܝܼ ܗܵܕܟ݂ܵܐ، ܐܸܠܵܐ ܒܸܚܕܵܝܵܐ ܝܘܲܚ ܒܐܘܼܠܨܵܢܲܢ̈ ܣܵܒܵܒ ܒܝܼܕܵܥܵܐ ܝܘܲܚ ܕܐܘܼܠܨܵܢܵܐ ܒܸܬ ܝܵܗܒܹܠܔ ܠܲܢ ܡܣܲܝܒܪܵܢܘܼܬܵ‌ܐ،

⁴ܘܡܣܲܝܒܪܵܢܘܼܬܵ‌ܐ ܟܹܐ ܝܵܗܒ݂ܵܐ ܠܲܢ ܢܸܣܝܵܢܵܐ، ܘܢܸܣܝܵܢܵܐ ܟܹܐ ܝܵܗܒܹܠܔ ܠܲܢ ܗܹܒ݂ܝܼ،

⁵ܘܗܹܒ݂ܝܼ ܠܹܐ ܡܲܢܟܸܦܵܐ ܠܲܢ، ܣܵܒܵܒ ܚܘܼܒܵܐ ܕܐܲܠܵܗܵܐ ܦܝܼܫ ܠܹܗ ܡܘܼܫܦܸܟ݂ܵܐ ܓܵܘ ܠܸܒܲܢ ܒܝܲܕ ܪܘܼܚܵܐ ܕܩܘܼܕܫܵܐ ܕܝܘܼܗܒܹܠܔ ܠܹܗ ܐܸܠܲܢ.

⁶ܣܵܒܵܒ ܒܗ̇ܝ ܥܕܵܢܵܐ ܕܝܼܘܲܚ ܗܘܵܘ ܙܲܒܘܼܢܹ̈ܐ ܡܫܝܼܚܵܐ ܡܝܼܬ ܠܹܗ ܡ̣ܢ ܓܹܒܵܐ ܕܥܵܘܵܠܹ̈ܐ.

⁷ܒܵܨܘܿܪܹ̈ܐ ܐܢܵܫܹ̈ܐ ܟܹܐ ܡܵܝܬ‌ܝܼ ܡ̣ܢ ܓܹܒܵܐ ܕܚܲܕ ܐܢܵܫܵܐ ܙܲܕܝܼܩܵܐ، ܐܝܼܢܵܐ ܩܵܘܡܵܐ ܕܚܲܕ ܩܲܫܕܸܪ ܕܡܵܐܹܬ ܡ̣ܢ ܓܹܒܵܐ ܕܚܲܕ ܐܢܵܫܵܐ ܛܵܒ݂ܵܐ.

⁸ܐܝܼܢܵܐ ܐܲܠܵܗܵܐ ܡܘܼܚܙܹܐ ܠܹܗ ܚܘܼܒܹܗ ܐܸܠܲܢ، ܟܲܕ ܚܲܛܵܝܹ̈ܐ ܝܘܲܚ ܗܘܵܘ، ܗܵܕܟ݂ܵܐ ܡܫܝܼܚܵܐ ܡܝܼܬ ܠܹܗ ܡ̣ܢ ܓܹܒܲܢ.

⁹ܟܲܕ ܦܝܼܫ ܠܲܢ ܡܘܼܟܫܸܛܹܐ ܒܕܸܡܹܗ، ܟܡܵܐ ܒܘܼܫ ܙܵܘܕܵܐ ܒܸܬ ܦܵܝܫܲܚ ܦܘܼܪܩܹܐ ܡ̣ܢ ܟܲܪܒܵܐ ܕܐܲܠܵܗܵܐ ܒܝܼܹܗ.

¹⁰ܐܝܼܡܲܢ ܕܝܼܘܲܚ ܗܘܵܘ ܕܸܫ̃ܡܸܢܹ̈ܐ ܕܐܲܠܵܗܵܐ، ܦܝܼܫ ܠܲܢ ܣܘܼܙܓܸܪܹܐ ܥܲܡܹܗ ܒܝܲܕ ܡܵܘܬܵ‌ܐ ܕܒܪܘܿܢܹܗ، ܐܝܼܢܵܐ ܐܵܕܝܼܵܐ ܕܣܘܼܙܓܸܪܹܐ ܝܘܲܚ ܟܡܵܐ ܒܘܼܫ ܙܵܘܕܵܐ ܒܸܬ ܦܵܝܫܲܚ ܦܘܼܪܩܹܐ ܒܚܲܝܘܼ̈ܗ‌ܝ.