1 ܒܣܝܼܡ ܠܵܗ̇ ܠܘܼܟ݂، ܝܵܐ ܡܵܪܝܵܐ، ܒܐܲܪܥܘܼܟ݂، ܡܘܼܕܸܪܘܼܟ݂ ܠܝܲܥܩܘܿܒ݂ ܡ̣ܢ ܓܵܠܘܼܬܵܐ.
2 ܫܒ݂ܝܼܩ ܠܘܼܟ݂ ܠܥܲܡܘܼܟ݂ ܥܵܘܠܵܝܗܝ، ܟܘܼܣܹܐ ܠܘܼܟ݂ ܠܟܠܔ ܚܛܝܼܬܵܝܗܝ. ܣܹܠܵܗ
3 ܡܘܼܥܒܸܪܘܼܟ݂ ܟܠܵܗ̇ ܚܸܡܬܘܼܟ݂، ܕܝܼܪܘܼܟ݂ ܡ̣ܢ ܚܸܡܬܵܐ ܕܟܲܪܒܘܼܟ݂.
4 ܡܲܕܸܪܲܢ، ܝܵܐ ܐܲܠܵܗܵܐ ܕܦܘܼܪܩܵܢܲܢ، ܘܒܲܛܸܠܔ ܠܟܲܪܒܘܼܟ݂ ܡܸܢܲܢ.
5 ܗܵܐ، ܠܥܵܠܲܡ ܒܸܬ ܟܵܪܒܹܬ ܥܲܠܲܢ، ܡܲܓܪܸܫܸܬ ܚܸܡܬܘܼܟ݂ ܠܕܵܪܵܐ ܘܕܵܪܵܐ؟
6 ܗܵܐ، ܐܲܢ݇ܬ ܠܹܐ ܕܵܝܪܹܬ ܡܲܚܹܝܬ ܠܲܢ، ܩܵܐ ܕܥܲܡܘܼܟ݂ ܚܵܕܝܼ ܒܝܼܘܼܟ݂؟
7 ܡܲܚܙܝܼ ܠܲܢ ܛܲܝܒܘܼܬܘܼܟ݂، ܝܵܐ ܡܵܪܝܵܐ، ܘܦܘܼܪܩܵܢܘܼܟ݂ ܝܵܗܒܹܬ ܐܸܠܲܢ.
8 ܫܵܡܥܹܢ ܡܘܼܕܝܼ ܒܸܬ ܗܲܡܙܸܡ ܐܲܠܵܗܵܐ ܡܵܪܝܵܐ، ܣܵܒܵܒ ܒܸܬ ܗܲܡܙܸܡ ܫܠܵܡܵܐ ܠܥܲܡܹܗ ܘܠܙܲܕܝܼܩܘܼ̈ܗܝ، ܘܠܵܐ ܕܵܝܪܝܼ ܠܣܲܟ݂ܠܘܼܬܵܐ.
9 ܗܹܐ، ܩܘܼܪܒܵܐ ܝܠܹܗ ܠܙܕܝܼܥܘܼ̈ܗܝ ܦܘܼܪܩܵܢܹܗ، ܕܫܵܪܹܐ ܚܸܩܪܵܐ ܒܐܲܪܥܲܢ.
10 ܛܲܝܒܘܼܬܵܐ ܘܫܲܪܝܼܪܘܼܬܵܐ ܬܦܝܼܩ ܠܗܘܿܢ، ܙܲܕܝܼܩܘܼܬܵܐ ܘܫܠܵܡܵܐ ܢܫܝܼܩ ܠܗܘܿܢ.
11 ܫܲܪܝܼܪܘܼܬܵܐ ܡ̣ܢ ܐܲܪܥܵܐ ܒܸܬ ܡܲܓ̰ܝܸܢܵܐ، ܘܙܲܕܝܼܩܘܼܬܵܐ ܡ̣ܢ ܫܡܲܝܵܐ ܒܸܬ ܓܲܫܩܵܐ.
12 ܐܘܼܦ ܡܵܪܝܵܐ ܒܸܬ ܝܵܗܒܹܠܔ ܛܵܒ݂ܬܵܐ، ܘܐܲܪܥܲܢ ܒܸܬ ܝܵܗܒ݂ܵܐ ܛܥܘܼܢܬܘܼܗ̇.
13 ܙܲܕܝܼܩܘܼܬܵܐ ܩܲܕܡܘܼܗܝ ܒܸܬ ܐܵܙܵܠ݇ܐ، ܘܫܵܘܦܵܦܹ̈ܐ ܕܐܲܩܠܘܼ̈ܗ̇ ܒܸܬ ܥܵܒ݂ܕܝܼ ܐܘܼܪܚܵܐ.
