ܡܙܡܘܪ̈ܐ 85:1-13

¹ܒܣܝܼܡ ܠܵܗ̇ ܠܘܼܟ݂، ܝܵܐ ܡܵܪܝܵܐ، ܒܐܲܪܥܘܼܟ݂، ܡܘܼܕܸܪܘܼܟ݂ ܠܝܲܥܩܘܿܒ݂ ܡ̣ܢ ܓܵܠܘܼܬܵ‌ܐ.

²ܫܒ݂ܝܼܩ ܠܘܼܟ݂ ܠܥܲܡܘܼܟ݂ ܥܵܘܠܵܝܗ‌ܝ، ܟܘܼܣܹܐ ܠܘܼܟ݂ ܠܟܠܔ ܚܛܝܼܬܵܝܗ‌ܝ. ܣܹܠܵܗ

³ܡܘܼܥܒܸܪܘܼܟ݂ ܟܠܵܗ̇ ܚܸܡܬܘܼܟ݂، ܕܝܼܪܘܼܟ݂ ܡ̣ܢ ܚܸܡܬܵ‌ܐ ܕܟܲܪܒܘܼܟ݂.

⁴ܡܲܕܸܪܲܢ، ܝܵܐ ܐܲܠܵܗܵܐ ܕܦܘܼܪܩܵܢܲܢ، ܘܒܲܛܸܠܔ ܠܟܲܪܒܘܼܟ݂ ܡܸܢܲܢ.

⁵ܗܵܐ، ܠܥܵܠܲܡ ܒܸܬ ܟܵܪܒܹܬ ܥܲܠܲܢ، ܡܲܓܪܸܫܸܬ ܚܸܡܬܘܼܟ݂ ܠܕܵܪܵܐ ܘܕܵܪܵܐ؟

⁶ܗܵܐ، ܐܲܢ݇ܬ ܠܹܐ ܕܵܝܪܹܬ ܡܲܚܹܝܬ ܠܲܢ، ܩܵܐ ܕܥܲܡܘܼܟ݂ ܚܵܕܝܼ ܒܝܼܘܼܟ݂؟

⁷ܡܲܚܙܝܼ ܠܲܢ ܛܲܝܒܘܼܬܘܼܟ݂، ܝܵܐ ܡܵܪܝܵܐ، ܘܦܘܼܪܩܵܢܘܼܟ݂ ܝܵܗܒܹܬ ܐܸܠܲܢ.

⁸ܫܵܡܥܹܢ ܡܘܼܕܝܼ ܒܸܬ ܗܲܡܙܸܡ ܐܲܠܵܗܵܐ ܡܵܪܝܵܐ، ܣܵܒܵܒ ܒܸܬ ܗܲܡܙܸܡ ܫܠܵܡܵܐ ܠܥܲܡܹܗ ܘܠܙܲܕܝܼܩܘܼ̈ܗ‌ܝ، ܘܠܵܐ ܕܵܝܪܝܼ ܠܣܲܟ݂ܠܘܼܬܵ‌ܐ.

⁹ܗܹܐ، ܩܘܼܪܒܵܐ ܝܠܹܗ ܠܙܕܝܼܥܘܼ̈ܗ‌ܝ ܦܘܼܪܩܵܢܹܗ، ܕܫܵܪܹܐ ܚܸܩܪܵܐ ܒܐܲܪܥܲܢ.

¹⁰ܛܲܝܒܘܼܬܵ‌ܐ ܘܫܲܪܝܼܪܘܼܬܵ‌ܐ ܬܦܝܼܩ ܠܗܘܿܢ، ܙܲܕܝܼܩܘܼܬܵ‌ܐ ܘܫܠܵܡܵܐ ܢܫܝܼܩ ܠܗܘܿܢ.

¹¹ܫܲܪܝܼܪܘܼܬܵ‌ܐ ܡ̣ܢ ܐܲܪܥܵܐ ܒܸܬ ܡܲܓ̰ܝܸܢܵܐ، ܘܙܲܕܝܼܩܘܼܬܵ‌ܐ ܡ̣ܢ ܫܡܲܝܵܐ ܒܸܬ ܓܲܫܩܵܐ.

¹²ܐܘܼܦ ܡܵܪܝܵܐ ܒܸܬ ܝܵܗܒܹܠܔ ܛܵܒ݂ܬܵ‌ܐ، ܘܐܲܪܥܲܢ ܒܸܬ ܝܵܗܒ݂ܵܐ ܛܥܘܼܢܬܘܼܗ̇.

¹³ܙܲܕܝܼܩܘܼܬܵ‌ܐ ܩܲܕܡܘܼܗ‌ܝ ܒܸܬ ܐܵܙܵܠ݇ܐ، ܘܫܵܘܦܵܦܹ̈ܐ ܕܐܲܩܠܘܼ̈ܗ̇ ܒܸܬ ܥܵܒ݂ܕܝܼ ܐܘܼܪܚܵܐ.