يَيَ 13:2-25

²نُنمَرٍ، عٍ بِرِن نُ عٍ دّفٍقٍ. عِبُلِسَ حَن نُ بَرَ سٌ سِمْن عِسِكَرِيٌتِ شَ دِ يُدَ سِ شَشِلِ كُي، عَ شَ عِسَ يَنقَ.

³عِسَ تٌ نُ عَ كٌلٌن عَ بَبَ عَلَ بَرَ قٍ بِرِن سَ عَ سَفٌي، عَ مَن تٌ عَ كٌلٌن عَ عَ كٍلِشِ عَلَ نَن مَ، عَ مَن فبِلٍنقٍ عَ تَن نَن مَ،

⁴عَ نَشَ كٍلِ عٍ دّفٍدٍ، عَ عَ شَ دٌنمَ قَرِ عِفٌرٌي بَ عَ مَ، عَ قَ دُفِ ندٍ شِرِ عَ تَفِ.

⁵عَ نَشَ يٍ سَ ثَانِ كُي، عَ قَ سٌ عَ قْشِرَبِرّيٍ سَنيِيٍ مَشَقٍ، عَ نُ عٍ مَقُرُكُ نَ دُفِ رَ.

⁶عَ تٌ سِمْن ثِيّرِ لِ، نَ نَشَ عَ قَلَ عَ بّ، «مَرِفِ، عِ وَشِ نّ عِ شَ ﭑ تَن سَنيِيٍ مَشَ؟»

⁷عِسَ نَشَ عَ يَابِ، «ﭑ نَشَن نَبَقٍ يِ كِ، عِ مُ عَ قَهَامُمَ يِ وَشَتِ تَن مَ، كْنْ عِ قَمَ نّ عَ كُي كٌلٌندٍ يَرٍ.»

⁸ثِيّرِ نَشَ عَ قَلَ عَ بّ، «عَدٍ، عِ تَن مُ ﭑ سَنيِ مَشَمَ قٍوٌ!» عِسَ نَشَ عَ يَابِ، «شَ ﭑ مُ عِ سَنيِيٍ مَشَ، وٌن مُ لُمَ قٍ كٍرٍن سْنْن.»

⁹سِمْن ثِيّرِ نَشَ عَ قَلَ عَ بّ، «ﭑ مَرِفِ، شَ عَ نَ نَ كِ نّ، عِ نَشَ ﭑ سَنيِ فبَنسَن شَ مَشَ. عِ شَ ﭑ بّلّشّيٍ نُن ﭑ شُنيِ بِرِن مَشَ.»

¹⁰عِسَ نَشَ عَ يَابِ، «مِشِ نَشَن بَرَ عَ مَشَ، عَ هَيِ مُ نَ عَ قَتٍ مَشَقٍ مَ بَقٍ عَ سَنيِ رَ. عَ حَن بَرَ سّنِيّن قٍوٌ! وٌ سّنِيّنشِ، كْنْ وٌ بِرِن مُ عَ رَ.»

¹¹عَ عَ قَلَ نّ عَ عٍ بِرِن مُ سّنِيّنشِ، بَرِ مَ عَ عَ قْشِرَبِرّ كٌلٌن نَشَن قَمَ عَ يَنقَدٍ.

¹²عِسَ تٌ فّ عٍ سَنيِيٍ مَشَدٍ، عَ مَن نَشَ عَ شَ دٌنمَ قَرِ عِفٌرٌي رَفٌرٌ عَ مَ، عَ مَن عَ مَفٌرٌ عٍ دّفٍدٍ، عَ عَ قَلَ عٍ بّ، «ﭑ نَشَن نَبَشِ وٌ بّ يِ كِ، وٌ عَ قَهَامُشِ؟

¹³وٌ تٌ عَ قَلَمَ ﭑ بّ ‹كَرَ مْشْ›، شَ نَ مُ عَ رَ ‹مَرِفِ›، وٌ نْندِ نَن عَ رَ، بَرِ مَ نَ نَن يَتِ ﭑ نَ.

¹⁴نَ كُي، ﭑ تَن نَشَن قِندِشِ وٌ مَرِفِ نُن وٌ كَرَ مْشْ رَ، شَ ﭑ تَن بَرَ وٌ سَنيِيٍ مَشَ، وٌ قَن لَن نّ وٌ شَ وٌ بٌرٍ سَنيِيٍ مَشَ.

¹⁵ﭑ نَشَن نَبَشِ وٌ بّ، عَ شَ قِندِ مِسَالِ نَن نَ، عَلَكٌ وٌ قَن شَ نَ مْولِ نَن نَبَ وٌ بٌرٍ تَفِ.

¹⁶ﭑ شَ عَ قَلَ وٌ بّ عَ نْندِ كِ مَ، كٌنيِ مُ دَنفِ عَ مَرِفِ رَ، شّيرَ قَن مُ دَنفِ عَ شّيمَ رَ.

¹⁷وٌ تٌ بَرَ قَهَامُي سْتْ يِ قٍيٍ مَ، هّيرِ نَ وٌ بّ شَ وٌ عٍ رَبَ.»

¹⁸«ﭑ مُ وٌ بِرِن شَ مَ. ﭑ تَن نَشَن وٌ سُفَندِشِ، ﭑ وٌ كٌلٌن. كْنْ نَشَن نَ كِتَابُي كُي، قٌ عَ شَ كَمَلِ نّ، عَ تٌ سّبّشِ، ‹مُشُ نُن نَشَن بّلّشّ نَ لٍنفٍ كٍرٍن كُي، نَ بَرَ عَ كٌبٍ سٌ ﭑ نَ.›

¹⁹ﭑ نَ قٍ قَلَشِ نّ وٌ بّ بٍينُن عَ شَ رَبَ، عَلَكٌ عَ رَبَ تّمُي وٌ شَ عَ كٌلٌن عَ ﭑ تَن نَن نَ نَشَن نَ عَبَدَن.

²⁰ﭑ شَ عَ قَلَ وٌ بّ عَ نْندِ كِ مَ، نَشَن يٌ نَ ﭑ مَ شّيرَ رَ سّنّ، عَ ﭑ تَن نَن نَسّنّشِ. نَشَن يٌ نَ ﭑ قَن نَسّنّ، نَ كَنيِ ﭑ شّيمَ نَن نَسّنّشِ.»

²¹عَ نَ قَلَ شَنبِ، عِسَ بْحّ نَشَ سُننُن، عَ قَ عَ قَلَ، «ﭑ شَ عَ قَلَ وٌ بّ عَ نْندِ كِ مَ، مِشِ كٍرٍن نَ وٌ يَ مَ، عَ ﭑ يَنقَمَ نّ، عَ ﭑ سَ كُنتِفِيٍ بّلّشّ.»

²²عَ قْشِرَبِرّيٍ نَشَ عٍ بٌرٍ مَتٌ، عٍ مُ عَ كٌلٌن عِسَ نُ مِشِ يٌ شَ قٍ قَلَقٍ.

²³عِسَ قْشِرَبِرّ، عَ نَشَن شَنُشِ، عَ نُ نَ عَ قّ مَ تٍيبِلِ رَ.

²⁴نَ كُي، سِمْن ثِيّرِ نَشَ عَ بّلّشّ مَفِرَ نَ بّ، عَ شَ عِسَ مَشْرِن عَ كَنيِ مَ، عِسَ نُ بَشِ نَشَن مَ قٍ قَلَدٍ.

²⁵نَ قْشِرَبِرّ نَشَ عَ مَسٌ عِسَ رَ، عَ عَ مَشْرِن، «مَرِفِ، ندٍ عَ رَ؟»