4 E na yanfɛ xɔrɔxɔɛ maxirife i xa ɲama xili ma, e na e boore bɔɲɛ ratefe i xanuntenyie xili ma.
5 E naxɛ, «Won xa e xili ɲɔn sie ya ma, alako birin xa nɛɛmu Isirayila xili ma.»
6 E bara lan e boore ma i xili ma.
7 Edonkae, Sumayila bɔnsɔɛ, Mowabakae, Hagarikae,
8 Gebalakae, Amonikae, Amalɛkikae, Filisitakae, Tirekae,
9 nun Asiriyakae birin bara kafu Loti bɔnsɔɛ ma.
10 I xa e bɔnbɔ alɔ i a raba Madiyankae ra ki naxɛ. I xa e bɔnbɔ alɔ i a raba mangɛ Yabini na ki naxɛ, a nun a xa sɔɔri mangɛ Sisera ra ki naxɛ Kison xure yire.
11 E sɔntɔ nɛ Endori, e fure naxa lu bɔxi ma, e mu ragata.
12 I xa fe xɔrɔxɔɛ raba e xa kuntigie ra, alɔ i raba Orebi nun Seebi ra ki naxɛ. E xa yareratie xa lu alɔ Sɛba nun Salamuna, naxee a fala,
13 «Won xa Ala xa ɲama xa bɔxi findi won gbe ra.»
14 N Marigi Ala, i xa na mixie lu alɔ sɛxɛ, foye naxan xaninma.