21 Konbi bara n bɔɲɛ kana han n bara fura. N hayi na kinikini ma, kɔnɔ a mu na. N hayi na mixi madundumae ma, kɔnɔ e mu toma.
22 E pɔsɔnɛ sama n ma donse, e minse xɔnɛ soma n yi ra, ye ɲɔxɔɛ ra.
23 E xa teebili xa findi gantanyi ra e bɛ, e xa naafuli xa findi yɛlɛ ra naxan e suxuma.
24 E ya xa ifɔɔrɔ, e xa dɔnxu. E tagi xa e xɔnɔ han e xa bira.
25 I xa xɔnɔ e ma, e xa na tɛ kolon.
26 E xa gɔɔrɛ xa ɲɔn, adamadie naxa lu e xɔnyi sɔnɔn,
27 barima e tɔɔrɔmixie xa tɔɔrɛ xun masama, i naxee ɲaxankata. E mixie mayelema, i naxee halaki.
28 I xa e xa yunubi birin to, alako e naxa i xa kisi sɔtɔ sɔnɔn.
29 E xilie xa ba simaya sɛbɛli kui, e naxa lu tinxintɔɛe ya ma.
30 N tan na tɔɔrɔfe yi tɛmui, Ala, i xa n nakisi, i xa n nakeli.
31 N fama Ala xili matɔxɔde bɛɛti ra, n fama tantui rasigade a ma.