6 Ala xa masenyi tinxinxi kelima koore nan ma, barima kiitisa nan na Ala ra.
7 «N ma mixie, wo wo tuli mati, n xa wɔyɛn. Isirayila, n bara wo kalamu. Ala nan n na, wo Marigi Ala.
8 N mu xɔnɔxi wo xa sɛrɛxɛe xa fe ra. Wo sɛrɛxɛ gan daaxie bama n bɛ tɛmui birin.
9 N mu tuura tongoma wo xɔnyi. N mu si kontonyi fan tongoma wo xa kulɛ.
10 N gbe nan na sube birin na wula i. N gbe nan na sube birin na geyae ma.
11 N gbe nan na xɔni birin na koore ma. N gbe nan na sube birin na fiili ma.
12 Xa kaamɛ n suxuma nu, n ma falama wo tan bɛ. N gbe nan na duniɲa birin na.
13 N tan tuura sube donma? Ade. N tan si kontonyi wuli minma? Ade.
