14 A lanma wo xa tantui rasiga n ma, na xa findi wo xa sɛrɛxɛe ra. Wo xa wo xa laayidie rakamali n bɛ, n tan Ala Xili Xungbe Kanyi.
15 Wo xa n xili wo xa tɔɔrɛ kui. N fama wo ratangade, wo fan fama n matɔxɔde.»
16 Ala xa masenyi nan ya, mixi ɲaaxie bɛ, «wo na n ma yaamari nun n ma saatɛ durusife munfe ra?
17 N ma sɛriyɛ mu rafan wo ma. Wo mu n ma wɔyɛnyi danxunma.
18 Wo nun muɲɛtie na a ra. Wo nun yɛnɛ rabae na a ra.
19 Fe ɲaaxi nan tun minima wo dɛ i, wo wule nan tun falama.
20 Wo nun naxan nga keren a ra, wo na tɔɔɲɛgɛma.
