6 Muxu fama muxu yaxuie ragbilende i tan nan saabui ra, muxu fama e ragorode i xili ra.
7 N mu n xaxili tixi n ma xali xa ra, n ma santidɛgɛma mu nɔma n nakiside.
8 Kɔnɔ i tan nan muxu ratangama muxu yaxuie ma, i tan nan muxu xɔnmixie rayaagima.
9 Muxu Ala nan matɔxɔma tɛmui birin, muxu i tan nan xili tantuma abadan. Ɲɛngi rate.
10 Kɔnɔ yakɔsi i bara muxu rabɛɲin, i bara muxu rayaagi. I mu muxu xa sɔɔrie malima sɔnɔn.
11 I bara muxu ragi muxu yaxuie ya ra, naxee muxu xɔnxi, nee bara muxu harige birin ba muxu yi ra.
