Yabura 42:3-9 in Susu

³ N hayi na Ala ɲiɲɛ ma. N a yire lima mun tɛmui?

⁴ Yakɔsi n wama kɔɛ ra, n wama yanyi ra. Mixi n maxɔrinma, «I Marigi Ala na minden?»

⁵ N na ratu yi fe ma, n bɔɲɛ sɛɛwama nɛ. Singe n nu ɲama raɲɛrɛma Ala xa hɔrɔmɔbanxi nan kui, e nu bɛɛti bafe ɲɛlɛxinyi kui, e tantui rasiga Ala ma.

⁶ Munfe ra n sondonyi nimisaxi? Munfe ra n bɔɲɛ sunnunxi? N xa n xaxili ti Ala ra, n man xa a tantu a xa kisi xa fe ra.

⁷ N Marigi Ala, n bɔɲɛ nimisaxi n yɛtɛ kan ma fe ra. Na na a ra n nan n natuma i ma Yurudɛn, n na dɛnnaxɛ yi tɛmui, Xerimon nun Misari geyae na dɛnnaxɛ.

⁸ N ma tɔɔrɛ xun nan tun masafe. A luma alɔ susui ye naxan sinma xure ye xun.

⁹ Alatala hinnɛma n na yanyi ra, n fan bɛɛti bama a bɛ kɔɛ ra. N Ala maxandima naxan n nabaloma.

³ ﭑ هَيِ نَ عَلَ حِحّ مَ. ﭑ عَ يِرٍ لِمَ مُن تّمُي؟

⁴ يَكْسِ ﭑ وَ مَ كْي رَ، ﭑ وَ مَ يَنيِ رَ. مِشِ ﭑ مَشْرِنمَ، «عِ مَرِفِ عَلَ نَ مِندٍن؟»

⁵ ﭑ نَ رَتُ يِ قٍ مَ، ﭑ بْحّ سّيوَ مَ نّ. سِنفٍ ﭑ نُ حَمَ رَحّرّ مَ عَلَ شَ هْرْ مْبَنشِ نَن كُي، عٍ نُ بّيتِ بَقٍ حّلّشِنيِ كُي، عٍ تَنتُي رَ سِفَ عَلَ مَ.

⁶ مُنقٍ رَ ﭑ سٌندٌنيِ نِمِسَشِ؟ مُنقٍ رَ ﭑ بْحّ سُننُنشِ؟ ﭑ شَ ﭑ شَشِلِ تِ عَلَ رَ، ﭑ مَن شَ عَ تَنتُ عَ شَ كِسِ شَ قٍ رَ.

⁷ ﭑ مَرِفِ عَلَ، ﭑ بْحّ نِمِسَشِ ﭑ يّتّ كَن مَ قٍ رَ. نَ نَ عَ رَ ﭑ نَن ﭑ نَتُمَ عِ مَ يُرُدّن، ﭑ نَ دّننَشّ يِ تّمُي، شٍرِ مٌن نُن مِسَرِ فٍيَيٍ نَ دّننَشّ.

⁸ ﭑ مَ تْورّ شُن نَن تُن مَسَقٍ. عَ لُمَ عَلْ سُسُي يٍ نَشَن سِنمَ شُرٍ يٍ شُن.

⁹ عَلَتَلَ هِننّمَ ﭑ نَ يَنيِ رَ، ﭑ قَن بّيتِ بَمَ عَ بّ كْي رَ. ﭑ عَلَ مَشَندِ مَ نَشَن ﭑ نَبَلٌمَ.