23 Naxan ɲɛrɛ ki rafan Alatala ma, a na kanyi malima nɛ a xa duniɲɛigiri kui.
24 Hali a sa dinkon, a mu birama, barima a bɛlɛxɛ na Alatala yi ra.
25 Kabi n dimɛdi tɛmui, han n xɛmɔxi ra, n mu tinxintɔɛ keren toxi Ala naxan nabɛɲinxi, naxan xa die taami makulama.
26 Tinxintɔɛ ki tima, a mixie donima. A xa die barakɛ sɔtɔma nɛ.
27 I xa fe kobi lu na, i xa fe fanyi raba. Na kui i simaya xɔnkuye sɔtɔma nɛ.
28 Sɛriyɛ rafan Alatala ma. A mu a xa hinnɛntee rabɛɲinma. A e kantama nɛ abadan. Kɔnɔ mixi ɲaaxie bɔnsɔɛ fama nɛ halakide.
29 Tinxintɔɛe fama nɛ yi bɔxi sɔtɔde kɛ ra, e lu be abadan.
30 Tinxintɔɛ lɔnni nan masenma, sɛriyɛ nan minima a dɛ kui.
