Yabura 22:25-31 in Susu

²⁵ Ala mu yoma misikiinɛ xa tɔɔrɛ ma. A mu a yɛtɛ nɔxunma a ma xɛ, a a xa maxandi suxuma nɛ.

²⁶ Ala, n i matɔxɔma ɲama xungbe ya ma. N fama n ma laayidi rakamalide mixie bɛ, naxee gaaxuma Ala ya ra.

²⁷ Mixi magoroxie fama e dɛgede, han e wasa. Naxee Alatala fenma, e fama a matɔxɔde. Ala xa simaya fi wo ma.

²⁸ Duniɲa birin fama ratude Alatala xa fe ma, e man birin e ya rafindima a ma. Si birin fama e magorode a bɛ,

²⁹ barima birin na Alatala xa mangɛya nan bun. A si birin yamarima.

³⁰ Duniɲa sɛnbɛmae na gɛ e dɛgede, e birin fama e magorode Ala bɛ. Naxee birin findima bɛndɛ ra, e fama e xun sinde Ala bɛ. E mu nɔma e yɛtɛ nii ratangade.

³¹ Adamadie birin fama Ala batude. E e Marigi xa fe falama e bore bɛ.

²⁵ عَلَ مُ يٌمَ مِسِكِينّ شَ تْورّ مَ. عَ مُ عَ يّتّ نْشُنمَ عَ مَ شّ، عَ عَ شَ مَشَندِ سُشُمَ نّ.

²⁶ عَلَ، ﭑ عِ مَتْشْمَ حَمَ شُنفبٍ يَ مَ. ﭑ قَمَ ﭑ مَ لَايِدِ رَكَمَلِدٍ مِشِيٍ بّ، نَشٍيٍ فَاشُمَ عَلَ يَ رَ.

²⁷ مِشِ مَفٌرٌشِيٍ قَمَ عٍ دّفٍدٍ، هَن عٍ وَ سَ. نَشٍيٍ عَلَتَلَ قٍنمَ، عٍ قَمَ عَ مَتْشْدٍ. عَلَ شَ سِمَيَ قِ وٌ مَ.

²⁸ دُنِحَ بِرِن قَمَ رَتُدٍ عَلَتَلَ شَ قٍ مَ، عٍ مَن بِرِن عٍ يَ رَقِندِ مَ عَ مَ. سِ بِرِن قَمَ عٍ مَفٌرٌدٍ عَ بّ،

²⁹ بَرِ مَ بِرِن نَ عَلَتَلَ شَ مَنفّيَ نَن بُن. عَ سِ بِرِن يَمَرِ مَ.

³⁰ دُنِحَ سّنبّمَيٍ نَ فّ عٍ دّفٍدٍ، عٍ بِرِن قَمَ عٍ مَفٌرٌدٍ عَلَ بّ. نَشٍيٍ بِرِن قِندِ مَ بّندّ رَ، عٍ قَمَ عٍ شُن سِندٍ عَلَ بّ. عٍ مُ نْمَ عٍ يّتّ نِي رَتَنفَدٍ.

³¹ عَدَ مَدِيٍ بِرِن قَمَ عَلَ بَتُدٍ. عٍ عٍ مَرِفِ شَ قٍ قَلَمَ عٍ بٌرٍ بّ.