Yabura 22:19-23 in Susu

¹⁹E n ma dugie itaxunma e bore ma, E n ma dugi fanyi matoma a lanma a xa lu naxan bɛ.

²⁰Alatala, i naxa i makuya n na! N ma sɛnbɛma nan i ra. I xa i xulun n malide.

²¹I xa n nii rakisi santidɛgɛma ma. I xa n natanga na baree ma.

²²I xa n nakisi na yɛtɛe ma. I xa n nakisi na tuurae ferie ma.

²³N i xili masenma nɛ n ma mixie bɛ, n i matɔxɔma nɛ ɲama tagi.

¹⁹عٍ ﭑ مَ دُفِيٍ عِتَشُنمَ عٍ بٌرٍ مَ، عٍ ﭑ مَ دُفِ قَنيِ مَتٌمَ عَ لَنمَ عَ شَ لُ نَشَن بّ.

²⁰عَلَتَلَ، عِ نَشَ عِ مَكُيَ ﭑ نَ! ﭑ مَ سّنبّمَ نَن عِ رَ. عِ شَ عِ شُلُن ﭑ مَلِدٍ.

²¹عِ شَ ﭑ نِي رَكِسِ سَنتِدّفّمَ مَ. عِ شَ ﭑ نَتَنفَ نَ بَرٍيٍ مَ.

²²عِ شَ ﭑ نَكِسِ نَ يّتّيٍ مَ. عِ شَ ﭑ نَكِسِ نَ تُورَيٍ قٍرِيٍ مَ.

²³ﭑ عِ شِلِ مَسٍنمَ نّ ﭑ مَ مِشِيٍ بّ، ﭑ عِ مَتْشْمَ نّ حَمَ تَفِ.