Lewi Sɛrɛxɛdubɛ 24:16-21 in Susu

¹⁶ Naxan na n tan Alatala xili bɛxu, ɲama birin xa a magɔnɔ gɛmɛ ra han a xa faxa. Xa a findi xɔɲɛ ra, xa a findi beka ra, a xa faxa barima a bara n tan Alatala bɛxu.»

¹⁷ «Mixi naxan na adamadi faxa, a fan xa faxa.

¹⁸ Mixi naxan na mixi nde xa xuruse faxa, a xa a ɲɔxɔɛ so a yi. Nii ɲɔxɔɛ xa fi nii ra.

¹⁹ Mixi naxan na a boore maxɔnɔ, a fan xa maxɔnɔ na ki.

²⁰ Maxɔnɛ ɲɔxɔɛ maxɔnɛ nan na. Ya ɲɔxɔɛ ya nan na, ɲinyi ɲɔxɔɛ na ɲinyi nan na. A xa maxɔnɔ alɔ a a rabaxi a boore ra ki naxɛ.

²¹ Mixi naxan na mixi xa xuruse faxa, a xa a ɲɔxɔɛ fi, kɔnɔ mixi naxan na adamadi faxa, na kanyi fan xa faxa.

¹⁶ نَشَن نَ ﭑ تَن عَلَتَلَ شِلِ بّشُ، حَمَ بِرِن شَ عَ مَفْنْ فّمّ رَ هَن عَ شَ قَشَ. شَ عَ قِندِ شْحّ رَ، شَ عَ قِندِ بٍكَ رَ، عَ شَ قَشَ بَرِ مَ عَ بَرَ ﭑ تَن عَلَتَلَ بّشُ.»

¹⁷ «مِشِ نَشَن نَ عَدَ مَدِ قَشَ، عَ قَن شَ قَشَ.

¹⁸ مِشِ نَشَن نَ مِشِ ندٍ شَ شُرُ سٍ قَشَ، عَ شَ عَ حْشْي سٌ عَ يِ. نِي حْشْي شَ قِ نِي رَ.

¹⁹ مِشِ نَشَن نَ عَ بٌورٍ مَشْنْ، عَ قَن شَ مَشْنْ نَ كِ.

²⁰ مَشْنّ حْشْي مَشْنّ نَن نَ. يَ حْشْي يَ نَن نَ، حِنيِ حْشْي نَ حِنيِ نَن نَ. عَ شَ مَشْنْ عَلْ عَ عَ رَبَشِ عَ بٌورٍ رَ كِ نَشّ.

²¹ مِشِ نَشَن نَ مِشِ شَ شُرُ سٍ قَشَ، عَ شَ عَ حْشْي قِ، كْنْ مِشِ نَشَن نَ عَدَ مَدِ قَشَ، نَ كَنيِ قَن شَ قَشَ.