Lewi Sɛrɛxɛdubɛ 16:6-17 in Susu

⁶ Haruna xa tuura ba a yɛtɛ xa yunubi xafari sɛrɛxɛ ra alako a tan nun a xa denbaya xun xa sara.

⁷ A xa na sikɔtɛ firinyi ti n tan Alatala ya i, hɔrɔmɔlingira sode dɛ ra.

⁸ A xa n tan Ala maxandi a xa tɔnxuma masen n bɛ na sikɔtɛ firinyi xa fe ra. Keren xa findi n tan Alatala gbe ra, boore xa lu Sentanɛ bɛ wula i.

⁹ Sikɔtɛ naxan sugandixi n tan Alatala gbe ra, Haruna xa a ba yunubi xafari sɛrɛxɛ ra.

¹⁰ Sikɔtɛ naxan sugandixi a xa findi Sentanɛ gbe ra, na mu faxama. Haruna xa a ti n tan Alatala ya i, a xa findi xunsare ra, a xa a bɛɲin sigafe ra wula i Sentanɛ bɛ.

¹¹ Haruna xa tuura ba a yɛtɛ xa yunubi xafari sɛrɛxɛ ra, a xa findi a tan nun a xa denbaya xunsare ra. A xa na tuura kɔn naxaba yunubi xafari sɛrɛxɛ ra.

¹² A xa surayi ganse rafe tɛ wole ra naxan tongoxi sɛrɛxɛbade fari n tan Alatala ya i. A xa surayi fuɲi bɛlɛxɛ ya firin fan tongo. A xa na birin xanin dugi gbakuxi xanbi ra yire sɛniyɛnxi kui.

¹³ A xa na surayi gan n tan Alatala ya i, alako tuuri naxan tema na xa saatɛ kankira nɔxun a ma alako a naxa faxa.

¹⁴ A xa tuura wuli nde tongo a bɛlɛxɛsole ra, a xa a kasan saatɛ kankira makoto se ma xunsarade sogetede biri sanmaya solofere, a man xa a kasan na makoto se ya ra.

¹⁵ A xa sikɔtɛ kɔn naxaba ɲama xa yunubi xafari sɛrɛxɛ ra, a fa a wuli xanin dugi gbakuxi xanbi ra. A xa na wuli kasan saatɛ kankira makoto se ma nun saatɛ kankira makoto se ya ra, alɔ a rabaxi tuura wuli ra ki naxɛ.»

¹⁶ «Na ki a xunsare sɔtɔma yire sɛniyɛnxi bɛ Isirayilakae xa sɛniyɛntareɲa, e xa fe kobie, nun e xa yunubie xa fe ra. A xa a raba na ki hɔrɔmɔlingira fan bɛ, naxan tixi Isirayilaka sɛniyɛntaree tagi.

¹⁷ Mixi yo naxa lu hɔrɔmɔlingira kui han Haruna minima yire sɛniyɛnxi fisamante kui tɛmui naxɛ. A xa a tan nun a xa denbaya xun sara, a nun Isirayila ɲama birin.

⁶ هَرُنَ شَ تُورَ بَ عَ يّتّ شَ يُنُبِ شَقَرِ سّرّشّ رَ عَلَكٌ عَ تَن نُن عَ شَ دٍنبَيَ شُن شَ سَرَ.

⁷ عَ شَ نَ سِكْتّ قِرِنيِ تِ ﭑ تَن عَلَتَلَ يَ عِ، هْرْ مْلِنفِرَ سٌدٍ دّ رَ.

⁸ عَ شَ ﭑ تَن عَلَ مَشَندِ عَ شَ تْنشُمَ مَسٍن ﭑ بّ نَ سِكْتّ قِرِنيِ شَ قٍ رَ. كٍرٍن شَ قِندِ ﭑ تَن عَلَتَلَ فبٍ رَ، بٌورٍ شَ لُ سٍنتَنّ بّ وُلَ عِ.

⁹ سِكْتّ نَشَن سُفَندِشِ ﭑ تَن عَلَتَلَ فبٍ رَ، هَرُنَ شَ عَ بَ يُنُبِ شَقَرِ سّرّشّ رَ.

¹⁰ سِكْتّ نَشَن سُفَندِشِ عَ شَ قِندِ سٍنتَنّ فبٍ رَ، نَ مُ قَشَمَ. هَرُنَ شَ عَ تِ ﭑ تَن عَلَتَلَ يَ عِ، عَ شَ قِندِ شُنسَرٍ رَ، عَ شَ عَ بّحِن سِفَقٍ رَ وُلَ عِ سٍنتَنّ بّ.

¹¹ هَرُنَ شَ تُورَ بَ عَ يّتّ شَ يُنُبِ شَقَرِ سّرّشّ رَ، عَ شَ قِندِ عَ تَن نُن عَ شَ دٍنبَيَ شُنسَرٍ رَ. عَ شَ نَ تُورَ كْن نَشَبَ يُنُبِ شَقَرِ سّرّشّ رَ.

¹² عَ شَ سُرَيِ فَنسٍ رَقٍ تّ وٌلٍ رَ نَشَن تٌنفٌشِ سّرّشّبَدٍ قَرِ ﭑ تَن عَلَتَلَ يَ عِ. عَ شَ سُرَيِ قُحِ بّلّشّ يَ قِرِن قَن تٌنفٌ. عَ شَ نَ بِرِن شَنِن دُفِ فبَكُشِ شَنبِ رَ يِرٍ سّنِيّنشِ كُي.

¹³ عَ شَ نَ سُرَيِ فَن ﭑ تَن عَلَتَلَ يَ عِ، عَلَكٌ تُورِ نَشَن تٍمَ نَ شَ سَاتّ كَنكِرَ نْشُن عَ مَ عَلَكٌ عَ نَشَ قَشَ.

¹⁴ عَ شَ تُورَ وُلِ ندٍ تٌنفٌ عَ بّلّشّسٌلٍ رَ، عَ شَ عَ كَسَن سَاتّ كَنكِرَ مَكٌتٌ سٍ مَ شُنسَرَدٍ سٌفٍتٍدٍ بِرِ سَنمَيَ سٌلٌقٍرٍ، عَ مَن شَ عَ كَسَن نَ مَكٌتٌ سٍ يَ رَ.

¹⁵ عَ شَ سِكْتّ كْن نَشَبَ حَمَ شَ يُنُبِ شَقَرِ سّرّشّ رَ، عَ قَ عَ وُلِ شَنِن دُفِ فبَكُشِ شَنبِ رَ. عَ شَ نَ وُلِ كَسَن سَاتّ كَنكِرَ مَكٌتٌ سٍ مَ نُن سَاتّ كَنكِرَ مَكٌتٌ سٍ يَ رَ، عَلْ عَ رَبَشِ تُورَ وُلِ رَ كِ نَشّ.»

¹⁶ «نَ كِ عَ شُنسَرٍ سْتْمَ يِرٍ سّنِيّنشِ بّ عِسِرَيِلَكَيٍ شَ سّنِيّنتَرٍحَ، عٍ شَ قٍ كٌبِيٍ، نُن عٍ شَ يُنُبِيٍ شَ قٍ رَ. عَ شَ عَ رَبَ نَ كِ هْرْ مْلِنفِرَ قَن بّ، نَشَن تِشِ عِسِرَيِلَكَ سّنِيّنتَرٍيٍ تَفِ.

¹⁷ مِشِ يٌ نَشَ لُ هْرْ مْلِنفِرَ كُي هَن هَرُنَ مِنِمَ يِرٍ سّنِيّنشِ قِسَمَنتٍ كُي تّمُي نَشّ. عَ شَ عَ تَن نُن عَ شَ دٍنبَيَ شُن سَرَ، عَ نُن عِسِرَيِلَ حَمَ بِرِن.