Kiitisae 3:10-26 in Susu

¹⁰ Alatala Xaxili naxa goro a ma. A naxa findi Isirayila kiitisa ra. A to siga gere sode, Alatala naxa Mesopotamiya mangɛ, Kusan Risatayimi, sa a sago sɛnbɛ ra.

¹¹ Bɔxi naxa lu bɔɲɛsa kui ɲɛ tongo naani. Na tɛmui Kenasi xa di Otiniyeli naxa faxa.

¹² Isirayilakae man naxa fe ɲaaxi raba naxan mu rafan Alatala ma. Na nan a toxi, Alatala naxa sɛnbɛ so Mowaba mangɛ Egilon yi ra Isirayila xili ma, naxan nu bara fe ɲaaxi raba Alatala ya i.

¹³ Egilon naxa Amonikae nun Amalɛkikae xili, e birin xa Isirayila gere. Na kui e naxa Tugi taa masɔtɔ.

¹⁴ Isirayilakae naxa lu Mowaba mangɛ Egilon xa yaamari bun ma ɲɛ fu nun solomasaxan.

¹⁵ Isirayilakae to Alatala xili e xui itexi ra, a naxa marakisima ramini e bɛ, Gera Bunyaminka xa di Exudu, naxan nu walima a kɔɔla bɛlɛxɛ ra. Isirayilakae naxa a xɛɛ, a xa duuti xanin Mowaba mangɛ Egilon xɔn.

¹⁶ Exudu naxa santidɛgɛma dɛ firin yailan, naxan xa kuyɛ nɔngɔn ya keren lima, a fa a nɔxun a xa donma bun ma a yirefanyi tabe fari.

¹⁷ A naxa duuti fi Mowaba mangɛ Egilon ma, naxan fate xungbo a gbe ra.

¹⁸ A to gɛ duuti fide, a naxa xɛmɛe ragbilen naxee nu bara na kote xanin.

¹⁹ Exudu to kuyee li naxee nu na Giligali, a naxa gbilen Egilon yire, a fa a fala, «Mangɛ, n wama gundo nde falafe i bɛ.» Mangɛ naxa a fala booree bɛ, «Wo wo magbilen sinden.» Naxee birin nu na a sɛɛti ma, e naxa e magbilen.

²⁰ Exudu naxa a maso Egilon na, naxan nu dɔxɔxi a xa konkoe itexi xinbelixi kui, dɛnnaxɛ nu yailanxi a keren peti bɛ. Exudu naxa a fala a bɛ, «Ala bara n xɛɛ, n xa yi masenyi fala i bɛ.» Egilon naxa keli a xa dɔxɔse kui.

²¹ Na tɛmui Exudu naxa a xa santidɛgɛma ba a tɛɛ i a kɔɔla bɛlɛxɛ ra a yirefanyi sɛɛti, a Egilon furi sɔxɔ a ra.

²² A kole nun a fɛ birin naxa so a furi, a mini a fari. Ture naxa raxi a xun ma, barima a bara santidɛgɛma lu naa.

²³ Exudu to mini konkoe kui, a naxa naadɛ balan a xun ma saabi ra.

²⁴ Na dangi xanbi, mangɛ xa konyie naxa fa. E naxa a to konkoe itexi naadɛ balanxi. E nu fa a fala, «A na fe nde nan xun ma banxi xinbelixi kui.»

²⁵ E naxa mamɛ ti han, kɔnɔ mangɛ to mu nu konkoe itexi naadɛ rabima, e naxa saabi tongo, e na rabi. E naxa e xa mangɛ to bɔxi ma, a bara faxa.

²⁶ E nu mamɛ tife tɛmui naxɛ, Exudu nu bara a gi. A naxa dangi kuyee yire ra, a sa a yɛtɛ ratanga Seyira biri.

¹⁰ عَلَتَلَ شَشِلِ نَشَ فٌرٌ عَ مَ. عَ نَشَ قِندِ عِسِرَيِلَ كِيتِسَ رَ. عَ تٌ سِفَ فٍرٍ سٌدٍ، عَلَتَلَ نَشَ مٍسٌثٌتَمِيَ مَنفّ، كُسَن رِ سَتَيِمِ، سَ عَ سَفٌ سّنبّ رَ.

¹¹ بْشِ نَشَ لُ بْحّسَ كُي حّ تٌنفٌ نَانِ. نَ تّمُي كٍنَسِ شَ دِ عٌتِنِيٍلِ نَشَ قَشَ.

¹² عِسِرَيِلَكَيٍ مَن نَشَ قٍ حَاشِ رَبَ نَشَن مُ رَقَن عَلَتَلَ مَ. نَ نَن عَ تٌشِ، عَلَتَلَ نَشَ سّنبّ سٌ مٌوَبَ مَنفّ عٍفِلٌن يِ رَ عِسِرَيِلَ شِلِ مَ، نَشَن نُ بَرَ قٍ حَاشِ رَبَ عَلَتَلَ يَ عِ.

¹³ عٍفِلٌن نَشَ عَمٌنِكَيٍ نُن عَمَلّكِكَيٍ شِلِ، عٍ بِرِن شَ عِسِرَيِلَ فٍرٍ. نَ كُي عٍ نَشَ تُفِ تَا مَسْتْ.

¹⁴ عِسِرَيِلَكَيٍ نَشَ لُ مٌوَبَ مَنفّ عٍفِلٌن شَ يَامَرِ بُن مَ حّ قُ نُن سٌلٌمَسَشَن.

¹⁵ عِسِرَيِلَكَيٍ تٌ عَلَتَلَ شِلِ عٍ شُي عِتٍشِ رَ، عَ نَشَ مَرَكِسِمَ رَ مِنِ عٍ بّ، فٍرَ بُنيَمِنكَ شَ دِ عٍشُدُ، نَشَن نُ وَلِمَ عَ كْولَ بّلّشّ رَ. عِسِرَيِلَكَيٍ نَشَ عَ شّي، عَ شَ دُوتِ شَنِن مٌوَبَ مَنفّ عٍفِلٌن شْن.

¹⁶ عٍشُدُ نَشَ سَنتِدّفّمَ دّ قِرِن يَءِلَن، نَشَن شَ كُيّ نْنفْن يَ كٍرٍن لِمَ، عَ قَ عَ نْشُن عَ شَ دٌنمَ بُن مَ عَ يِرٍقَنيِ تَبٍ قَرِ.

¹⁷ عَ نَشَ دُوتِ قِ مٌوَبَ مَنفّ عٍفِلٌن مَ، نَشَن قَتٍ شُنفبٌ عَ فبٍ رَ.

¹⁸ عَ تٌ فّ دُوتِ قِدٍ، عَ نَشَ شّمّيٍ رَفبِلٍن نَشٍيٍ نُ بَرَ نَ كٌتٍ شَنِن.

¹⁹ عٍشُدُ تٌ كُيٍيٍ لِ نَشٍيٍ نُ نَ فِلِفَلِ، عَ نَشَ فبِلٍن عٍفِلٌن يِرٍ، عَ قَ عَ قَلَ، «مَنفّ، ﭑ وَ مَ فُندٌ ندٍ قَلَقٍ عِ بّ.» مَنفّ نَشَ عَ قَلَ بٌورٍيٍ بّ، «وٌ وٌ مَفبِلٍن سِندٍن.» نَشٍيٍ بِرِن نُ نَ عَ سّيتِ مَ، عٍ نَشَ عٍ مَفبِلٍن.

²⁰ عٍشُدُ نَشَ عَ مَسٌ عٍفِلٌن نَ، نَشَن نُ دْشْشِ عَ شَ كٌنكٌي عِتٍشِ شِنبٍلِشِ كُي، دّننَشّ نُ يَءِلَنشِ عَ كٍرٍن ثٍتِ بّ. عٍشُدُ نَشَ عَ قَلَ عَ بّ، «عَلَ بَرَ ﭑ شّي، ﭑ شَ يِ مَسٍنيِ قَلَ عِ بّ.» عٍفِلٌن نَشَ كٍلِ عَ شَ دْشْسٍ كُي.

²¹ نَ تّمُي عٍشُدُ نَشَ عَ شَ سَنتِدّفّمَ بَ عَ تّي عِ عَ كْولَ بّلّشّ رَ عَ يِرٍقَنيِ سّيتِ، عَ عٍفِلٌن قُرِ سْشْ عَ رَ.

²² عَ كٌلٍ نُن عَ قّ بِرِن نَشَ سٌ عَ قُرِ، عَ مِنِ عَ قَرِ. تُرٍ نَشَ رَشِ عَ شُن مَ، بَرِ مَ عَ بَرَ سَنتِدّفّمَ لُ نَا.

²³ عٍشُدُ تٌ مِنِ كٌنكٌي كُي، عَ نَشَ نَادّ بَلَن عَ شُن مَ سَابِ رَ.

²⁴ نَ دَنفِ شَنبِ، مَنفّ شَ كٌنيِيٍ نَشَ قَ. عٍ نَشَ عَ تٌ كٌنكٌي عِتٍشِ نَادّ بَلَنشِ. عٍ نُ قَ عَ قَلَ، «عَ نَ قٍ ندٍ نَن شُن مَ بَنشِ شِنبٍلِشِ كُي.»

²⁵ عٍ نَشَ مَمّ تِ هَن، كْنْ مَنفّ تٌ مُ نُ كٌنكٌي عِتٍشِ نَادّ رَبِمَ، عٍ نَشَ سَابِ تٌنفٌ، عٍ نَ رَبِ. عٍ نَشَ عٍ شَ مَنفّ تٌ بْشِ مَ، عَ بَرَ قَشَ.

²⁶ عٍ نُ مَمّ تِقٍ تّمُي نَشّ، عٍشُدُ نُ بَرَ عَ فِ. عَ نَشَ دَنفِ كُيٍيٍ يِرٍ رَ، عَ سَ عَ يّتّ رَتَنفَ سٍيِرَ بِرِ.