Kiitisae 2:8-13 in Susu

⁸ Nunu xa di Yosuwe, Alatala xa konyi, naxa laaxira a xa simaya ɲɛ kɛmɛ ɲɛ fu ma.

⁹ E naxa a ragata a xa bɔxi ma naxan findi a kɛ ra, Timinati Xɛrɛsɛ, Efirami geya yire, Gaasi geya kɔɔla biri.

¹⁰ Yosuwe xunlanmae birin to faxa, mixi gbɛtɛe naxa mini naxee mu Alatala kolon. E mu a kolon a nu bara naxan naba Isirayila bɛ.

¹¹ Na tɛmui Isirayilakae naxa fe raba naxan mu rafan Alatala ma. E naxa tuubi Bali kuyee bɛ.

¹² E naxa Alatala finsiriwali, e benbae Marigi Alatala, naxan e ramini Misira bɔxi ma. E naxa bira ala gbɛtɛe fɔxɔ ra, e rabilinyi mixie nu ala naxee batufe, e nu fa e felen nee bɛ. E naxa Alatala raɲaaxu,

¹³ e a finsiriwali, e Bali kuyee nun Asitarate kuyee batu.

⁸ نُنُ شَ دِ يٌسُوٍ، عَلَتَلَ شَ كٌنيِ، نَشَ لَاشِرَ عَ شَ سِمَيَ حّ كّمّ حّ قُ مَ.

⁹ عٍ نَشَ عَ رَفَتَ عَ شَ بْشِ مَ نَشَن قِندِ عَ كّ رَ، تِمِنَتِ شّرّ سّ، عٍقِرَ مِ فٍيَ يِرٍ، فَاسِ فٍيَ كْولَ بِرِ.

¹⁰ يٌسُوٍ شُنلَنمَيٍ بِرِن تٌ قَشَ، مِشِ فبّتّيٍ نَشَ مِنِ نَشٍيٍ مُ عَلَتَلَ كٌلٌن. عٍ مُ عَ كٌلٌن عَ نُ بَرَ نَشَن نَبَ عِسِرَيِلَ بّ.

¹¹ نَ تّمُي عِسِرَيِلَكَيٍ نَشَ قٍ رَبَ نَشَن مُ رَقَن عَلَتَلَ مَ. عٍ نَشَ تُوبِ بَلِ كُيٍيٍ بّ.

¹² عٍ نَشَ عَلَتَلَ قِنسِرِوَلِ، عٍ بٍنبَيٍ مَرِفِ عَلَتَلَ، نَشَن عٍ رَ مِنِ مِسِرَ بْشِ مَ. عٍ نَشَ بِرَ عَلَ فبّتّيٍ قْشْ رَ، عٍ رَبِلِنيِ مِشِيٍ نُ عَلَ نَشٍيٍ بَتُقٍ، عٍ نُ قَ عٍ قٍلٍن نٍيٍ بّ. عٍ نَشَ عَلَتَلَ رَحَاشُ،

¹³ عٍ عَ قِنسِرِوَلِ، عٍ بَلِ كُيٍيٍ نُن عَسِتَرَتٍ كُيٍيٍ بَتُ.