Kawandila 3:6-18 in Susu

⁶ Waxati nde na se fenfe ma, waxati nde na a lufe ma. Waxati nde na se ragatafe ma, waxati nde na a wɔlɛfe ma.

⁷ Waxati nde na se ibɔɔfe ma, waxati nde na a dɛgɛfe ma. Waxati nde na wɔyɛnfe ma, waxati nde na dundufe ma.

⁸ Waxati nde na xanu tife ma, waxati nde na xɔn tife ma. Waxati nde na geresofe ma, waxati nde na saatafe ma.

⁹ Walikɛ geeni mundun sɔtɔma a xa katɛ kui?

¹⁰ N bara kote to Ala naxan dɔxɔxi adamadie xun.

¹¹ A bara se birin natofan a waxati ma. A bara a niya adamadi xaxili xa siga abadan fe ma, hali a mu nɔ Ala xa walie kolonde keli a fɔlɛ ma han a raɲɔnyi.

¹² N a kolon fefe mu na naxan fan adamadi bɛ, fo a sɛɛwa, a fe fanyi raba a xa duniɲɛigiri kui.

¹³ Mixi a dɛgefe, a a min, a sɛɛwa a xa wali kui, na nan findixi Ala xa ki ra adamadi bɛ.

¹⁴ N a kolon Ala xa wali birin buma nɛ abadan. Sese mu sama a xun ma, sese mu bama a ra. Ala fe rabama nɛ alako adamadi xa gaaxu a ya ra.

¹⁵ Naxan na na, na ɲan nu na nu. Naxan fama rabade, na ɲan nu na nu. Adamadi naxan nabaxi, Ala fama nɛ na makiitide.

¹⁶ N bara fe gbɛtɛ fan to yi duniɲa ma: Nɔndi mafindima wule ra, tinxinyi mafindima tinxintareya ra.

¹⁷ N naxa a maɲɔxun n xaxili kui, Ala tinxintɔɛ nun tinxintare makiitima nɛ, barima fe birin a waxati na na.

¹⁸ N man naxa a maɲɔxun n xaxili kui, Ala na mixie matofe nɛ, alako e xa a kolon daalise nan lanxi e ma alɔ wulai subee.

⁶ وَشَتِ ندٍ نَ سٍ قٍنقٍ مَ، وَشَتِ ندٍ نَ عَ لُقٍ مَ. وَشَتِ ندٍ نَ سٍ رَفَتَقٍ مَ، وَشَتِ ندٍ نَ عَ وْلّقٍ مَ.

⁷ وَشَتِ ندٍ نَ سٍ عِبْوقٍ مَ، وَشَتِ ندٍ نَ عَ دّفّقٍ مَ. وَشَتِ ندٍ نَ وْيّنقٍ مَ، وَشَتِ ندٍ نَ دُندُقٍ مَ.

⁸ وَشَتِ ندٍ نَ شَنُ تِقٍ مَ، وَشَتِ ندٍ نَ شْن تِقٍ مَ. وَشَتِ ندٍ نَ فٍرٍ سٌقٍ مَ، وَشَتِ ندٍ نَ سَاتَقٍ مَ.

⁹ وَلِكّ فٍينِ مُندُن سْتْمَ عَ شَ كَتّ كُي؟

¹⁰ ﭑ بَرَ كٌتٍ تٌ عَلَ نَشَن دْشْشِ عَدَ مَدِيٍ شُن.

¹¹ عَ بَرَ سٍ بِرِن نَتٌقَن عَ وَشَتِ مَ. عَ بَرَ عَ نِيَ عَدَ مَدِ شَشِلِ شَ سِفَ عَبَدَن قٍ مَ، هَلِ عَ مُ نْ عَلَ شَ وَلِيٍ كٌلٌندٍ كٍلِ عَ قْلّ مَ هَن عَ رَحْنيِ.

¹² ﭑ عَ كٌلٌن قٍقٍ مُ نَ نَشَن قَن عَدَ مَدِ بّ، قٌ عَ سّيوَ، عَ قٍ قَنيِ رَبَ عَ شَ دُنِحّءِفِرِ كُي.

¹³ مِشِ عَ دّفٍقٍ، عَ عَ مِن، عَ سّيوَ عَ شَ وَلِ كُي، نَ نَن قِندِشِ عَلَ شَ كِ رَ عَدَ مَدِ بّ.

¹⁴ ﭑ عَ كٌلٌن عَلَ شَ وَلِ بِرِن بُمَ نّ عَبَدَن. سٍسٍ مُ سَمَ عَ شُن مَ، سٍسٍ مُ بَمَ عَ رَ. عَلَ قٍ رَبَمَ نّ عَلَكٌ عَدَ مَدِ شَ فَاشُ عَ يَ رَ.

¹⁵ نَشَن نَ نَ، نَ حَن نُ نَ نُ. نَشَن قَمَ رَبَدٍ، نَ حَن نُ نَ نُ. عَدَ مَدِ نَشَن نَبَشِ، عَلَ قَمَ نّ نَ مَكِيتِدٍ.

¹⁶ ﭑ بَرَ قٍ فبّتّ قَن تٌ يِ دُنِحَ مَ؛ نْندِ مَقِندِ مَ وُلٍ رَ، تِنشِنيِ مَقِندِ مَ تِنشِنتَرٍيَ رَ.

¹⁷ ﭑ نَشَ عَ مَحْشُن ﭑ شَشِلِ كُي، عَلَ تِنشِنتْي نُن تِنشِنتَرٍ مَكِيتِمَ نّ، بَرِ مَ قٍ بِرِن عَ وَشَتِ نَ نَ.

¹⁸ ﭑ مَن نَشَ عَ مَحْشُن ﭑ شَشِلِ كُي، عَلَ نَ مِشِيٍ مَتٌقٍ نّ، عَلَكٌ عٍ شَ عَ كٌلٌن دَالِسٍ نَن لَنشِ عٍ مَ عَلْ وُلَءِ سُبٍيٍ.