Isirayila Mangɛe II 17:28-34 in Susu

²⁸ Sɛrɛxɛdubɛ keren, naxan nu bara xanin Asiriya bɔxi ma, na naxa siga Beteli taa kui Samari bɔxi ma, a mɛnnikae xaran Alatala yaragaaxui ra.

²⁹ Kɔnɔ na sie, kankan nu a gbe alae tima na kuye banxie kui, Samarikae nu bara naxee ti e xa taae kui nun yire itexie fari.

³⁰ Babilɔnkae naxa Sukɔti Bɛnɔti kuye ti. Kutakae naxa Nerigali kuye ti. Xamatakae naxa Asima kuye ti.

³¹ Awikae naxa Nibahasi nun Taritaki kuye ti. Sefarawayimikae tan nu luma e xa die nan ba ra sɛrɛxɛ gan daaxi ra e xa kuyee, Adarameleki nun Anameleki bɛ.

³² Na sie to nu gaaxuma Alatala fan ya ra, e nu mixi mɔɔli nan birin tima Alatala xa sɛrɛxɛdubɛe ra, nee xa nu sɛrɛxɛe ba e bɛ na yire itexie fari.

³³ Na kui, e nu Alatala batuma, kɔnɔ e man nu e gbe kuye fan batuma e gbe ki ma.

³⁴ Han to e birama na naamun forie fɔxɔ ra, e mu gaaxuma Alatala ya ra. E mu nu e yɛtɛ xa naamunyie rakamalima, e man mu nu Alatala xa sɛriyɛ fan nakamalima, a naxan so Yaxuba bɔnsɔɛ yi ra, a naxan xili sa Isirayila.

²⁸ سّرّشّدُبّ كٍرٍن، نَشَن نُ بَرَ شَنِن عَسِرِيَ بْشِ مَ، نَ نَشَ سِفَ بٍتٍلِ تَا كُي سَمَرِ بْشِ مَ، عَ مّننِكَيٍ شَرَن عَلَتَلَ يَرَفَاشُي رَ.

²⁹ كْنْ نَ سِيٍ، كَنكَن نُ عَ فبٍ عَلَيٍ تِمَ نَ كُيٍ بَنشِيٍ كُي، سَمَرِكَيٍ نُ بَرَ نَشٍيٍ تِ عٍ شَ تَايٍ كُي نُن يِرٍ عِتٍشِيٍ قَرِ.

³⁰ بَبِلْنكَيٍ نَشَ سُكْتِ بّنْتِ كُيٍ تِ. كُتَكَيٍ نَشَ نٍرِفَلِ كُيٍ تِ. شَمَتَكَيٍ نَشَ عَسِمَ كُيٍ تِ.

³¹ عَوِكَيٍ نَشَ نِبَهَسِ نُن تَرِتَكِ كُيٍ تِ. سٍقَرَوَيِمِكَيٍ تَن نُ لُمَ عٍ شَ دِيٍ نَن بَ رَ سّرّشّ فَن دَاشِ رَ عٍ شَ كُيٍيٍ، عَدَرَ مٍلٍكِ نُن عَنَمٍلٍكِ بّ.

³² نَ سِيٍ تٌ نُ فَاشُمَ عَلَتَلَ قَن يَ رَ، عٍ نُ مِشِ مْولِ نَن بِرِن تِمَ عَلَتَلَ شَ سّرّشّدُبّيٍ رَ، نٍيٍ شَ نُ سّرّشّيٍ بَ عٍ بّ نَ يِرٍ عِتٍشِيٍ قَرِ.

³³ نَ كُي، عٍ نُ عَلَتَلَ بَتُمَ، كْنْ عٍ مَن نُ عٍ فبٍ كُيٍ قَن بَتُمَ عٍ فبٍ كِ مَ.

³⁴ هَن تٌ عٍ بِرَ مَ نَ نَامُن قٌرِيٍ قْشْ رَ، عٍ مُ فَاشُمَ عَلَتَلَ يَ رَ. عٍ مُ نُ عٍ يّتّ شَ نَامُنيِيٍ رَكَمَلِمَ، عٍ مَن مُ نُ عَلَتَلَ شَ سّرِيّ قَن نَكَمَلِمَ، عَ نَشَن سٌ يَشُبَ بْنسْي يِ رَ، عَ نَشَن شِلِ سَ عِسِرَيِلَ.