Isirayila Mangɛe I 16:4-17 in Susu

⁴ Baasa bɔnsɔɛ naxan na faxa taa kui, baree nan na donma. Naxan na faxa wula i, xɔnie nan na donma.»

⁵ Baasa xa taruxui dɔnxɔɛ nun a xa gere ki fanyi, birin sɛbɛxi Isirayila mangɛe xa taruxui kui.

⁶ Baasa naxa laaxira, a naxa ragata Tirisa. A xa di Ela naxa ti mangɛ ra a ɲɔxɔɛ ra.

⁷ Alatala a xa masenyi ti nɛ Baasa nun a bɔnsɔɛ bɛ, Xanani xa di Annabi Yehu saabui ra. Na masenyi ti a xa fe ɲaaxie nan ma fe ra, naxee mu rafanxi Alatala ma. A nu bara maniya Yerobowami bɔnsɔɛ ra, a naxan sɔntɔ.

⁸ Asa xa mangɛya ɲɛ mɔxɔɲɛn nun senni nde ra, Baasa xa di Ela naxa ti Isirayila mangɛ ra. A xa mangɛya bu nɛ ɲɛ firin.

⁹ Simiri, a xa sɔɔri mangɛ nde, naxan nu findixi a xa sɔɔri ragisee sɛɛti keren xunyi ra, naxa yanfanteya xiri a xun. Lɔxɔɛ nde Ela nu na Tirisa a siisife Arisa xɔnyi, naxan findi na mangɛ xa banxi kantɛ ra.

¹⁰ Simiri naxa so naa, a a faxa. Yudaya mangɛ Asa xa mangɛya ɲɛ mɔxɔɲɛn nun solofere nde ra, Simiri naxa ti Isirayila mangɛ ra Ela ɲɔxɔɛ ra.

¹¹ A to findi mangɛ ra, a naxa dɔxɔ kibanyi, a Baasa bɔnsɔɛ birin faxa nɛ. A mu na xa mixi yo lu, na boore nde ba, na ɲɔxɔɛ ba.

¹² Simiri Baasa bɔnsɔɛ birin sɔntɔ nɛ, alɔ Alatala a masen ki naxɛ Baasa xili ma Annabi Yehu saabui ra.

¹³ Baasa nun a xa di Ela faxa e xa yunubi fufafue nan ma fe ra, e Isirayila Marigi Alatala raxɔnɔxi naxee ra.

¹⁴ Ela xa taruxui dɔnxɔɛ birin sɛbɛxi Isirayila mangɛe xa taruxui kui.

¹⁵ Yudaya mangɛ Asa xa mangɛya ɲɛ mɔxɔɲɛn nun solofere nde ra, Simiri naxa mangɛya raba xi solofere bun ma Tirisa. Isirayila ɲama nu na Gibɛtɔn Filisitakae gerede.

¹⁶ Ɲama to a mɛ, a Simiri bara mangɛ yanfa, a a faxa, e naxa sɔɔri xunyi Omiri ti Isirayila mangɛ ra keren na.

¹⁷ Na tɛmui Omiri nun Isirayila sɔɔrie naxa keli Gibɛtɔn, e sa Tirisa rabilin.

⁴ بَاسَ بْنسْي نَشَن نَ قَشَ تَا كُي، بَرٍيٍ نَن نَ دٌنمَ. نَشَن نَ قَشَ وُلَ عِ، شْنِيٍ نَن نَ دٌنمَ.»

⁵ بَاسَ شَ تَرُشُي دْنشْي نُن عَ شَ فٍرٍ كِ قَنيِ، بِرِن سّبّشِ عِسِرَيِلَ مَنفّيٍ شَ تَرُشُي كُي.

⁶ بَاسَ نَشَ لَاشِرَ، عَ نَشَ رَفَتَ تِرِ سَ. عَ شَ دِ عٍلَ نَشَ تِ مَنفّ رَ عَ حْشْي رَ.

⁷ عَلَتَلَ عَ شَ مَسٍنيِ تِ نّ بَاسَ نُن عَ بْنسْي بّ، شَنَنِ شَ دِ عَننَبِ يٍهُ سَابُي رَ. نَ مَسٍنيِ تِ عَ شَ قٍ حَاشِيٍ نَن مَ قٍ رَ، نَشٍيٍ مُ رَقَنشِ عَلَتَلَ مَ. عَ نُ بَرَ مَنِيَ يٍرٌبٌوَ مِ بْنسْي رَ، عَ نَشَن سْنتْ.

⁸ عَسَ شَ مَنفّيَ حّ مْشْحّن نُن سٍننِ ندٍ رَ، بَاسَ شَ دِ عٍلَ نَشَ تِ عِسِرَيِلَ مَنفّ رَ. عَ شَ مَنفّيَ بُ نّ حّ قِرِن.

⁹ سِمِرِ، عَ شَ سْورِ مَنفّ ندٍ، نَشَن نُ قِندِشِ عَ شَ سْورِ رَفِسٍيٍ سّيتِ كٍرٍن شُنيِ رَ، نَشَ يَنقَنتٍيَ شِرِ عَ شُن. لْشْي ندٍ عٍلَ نُ نَ تِرِ سَ عَ سِيسِقٍ عَرِ سَ شْنيِ، نَشَن قِندِ نَ مَنفّ شَ بَنشِ كَنتّ رَ.

¹⁰ سِمِرِ نَشَ سٌ نَا، عَ عَ قَشَ. يُدَيَ مَنفّ عَسَ شَ مَنفّيَ حّ مْشْحّن نُن سٌلٌقٍرٍ ندٍ رَ، سِمِرِ نَشَ تِ عِسِرَيِلَ مَنفّ رَ عٍلَ حْشْي رَ.

¹¹ عَ تٌ قِندِ مَنفّ رَ، عَ نَشَ دْشْ كِبَنيِ، عَ بَاسَ بْنسْي بِرِن قَشَ نّ. عَ مُ نَ شَ مِشِ يٌ لُ، نَ بٌورٍ ندٍ بَ، نَ حْشْي بَ.

¹² سِمِرِ بَاسَ بْنسْي بِرِن سْنتْ نّ، عَلْ عَلَتَلَ عَ مَسٍن كِ نَشّ بَاسَ شِلِ مَ عَننَبِ يٍهُ سَابُي رَ.

¹³ بَاسَ نُن عَ شَ دِ عٍلَ قَشَ عٍ شَ يُنُبِ قُقَقُيٍ نَن مَ قٍ رَ، عٍ عِسِرَيِلَ مَرِفِ عَلَتَلَ رَشْنْشِ نَشٍيٍ رَ.

¹⁴ عٍلَ شَ تَرُشُي دْنشْي بِرِن سّبّشِ عِسِرَيِلَ مَنفّيٍ شَ تَرُشُي كُي.

¹⁵ يُدَيَ مَنفّ عَسَ شَ مَنفّيَ حّ مْشْحّن نُن سٌلٌقٍرٍ ندٍ رَ، سِمِرِ نَشَ مَنفّيَ رَبَ شِ سٌلٌقٍرٍ بُن مَ تِرِ سَ. عِسِرَيِلَ حَمَ نُ نَ فِبّتْن قِلِسِتَكَيٍ فٍرٍدٍ.

¹⁶ حَمَ تٌ عَ مّ، عَ سِمِرِ بَرَ مَنفّ يَنقَ، عَ عَ قَشَ، عٍ نَشَ سْورِ شُنيِ عٌمِرِ تِ عِسِرَيِلَ مَنفّ رَ كٍرٍن نَ.

¹⁷ نَ تّمُي عٌمِرِ نُن عِسِرَيِلَ سْورِيٍ نَشَ كٍلِ فِبّتْن، عٍ سَ تِرِ سَ رَبِلِن.