Isirayila Mangɛe I 15:21-29 in Susu

²¹ Baasa to na fe mɛ, a naxa Rama tife wali rati, a lu Tirisa taa kui.

²² Na wali to ti, mangɛ Asa naxa Yudayakae birin xili, e xa fa teku gɛmɛe nun wurie tongode Baasa nu naxee rawalima Rama. E naxa na birin xanin, e a rawali Geba nun Misipa tife ra.

²³ Asa xa taruxui dɔnxɔɛ, a xa geree xa fe, a xa taa tife xa fe, nun a xa fe birin sɛbɛxi Yudaya nun Isirayila mangɛe xa taruxui kui. Asa to fori, fure nde naxa a sanyie suxu.

²⁴ Asa naxa laaxira. E naxa a ragata gaburi kui a benba Dawuda xa taa a benbae fɛ ma. A xa di Yehosafati naxa ti mangɛ ra a ɲɔxɔɛ ra.

²⁵ Yerobowami xa di Nadabo naxa ti Isirayila mangɛ ra Yudaya mangɛ Asa xa mangɛya ɲɛ firin nde ra. Nadabo naxa mangɛya xanin ɲɛ firin Isirayila bɔxi ma.

²⁶ A naxa fe raba naxan mu rafan Alatala ma, a a ɲɛrɛ a baba xa kira xɔn ma, naxan a niya Isirayila xa yunubi raba.

²⁷ Ahiya xa di Baasa, fatanfe Isakari bɔnsɔɛ ra, naxa yanfanteya maxiri a xun ma. Baasa naxa a faxa Gibɛtɔn, a tan Nadabo nun Isirayilakae nu na Filisitakae gerefe tɛmui naxɛ.

²⁸ Baasa a faxa Yudaya mangɛ Asa xa mangɛya ɲɛ saxan nde nɛ, a ti Isirayila mangɛ ra a ɲɔxɔɛ ra.

²⁹ A to findi mangɛ ra, a naxa Yerobowami bɔnsɔɛ birin faxa. A mu keren lu, a e birin sɔntɔ nɛ, alɔ Alatala nu bara a masen ki naxɛ Annabi Ahiya saabui ra, naxan nu na Silo.

²¹ بَاسَ تٌ نَ قٍ مّ، عَ نَشَ رَ مَ تِقٍ وَلِ رَتِ، عَ لُ تِرِ سَ تَا كُي.

²² نَ وَلِ تٌ تِ، مَنفّ عَسَ نَشَ يُدَيَكَيٍ بِرِن شِلِ، عٍ شَ قَ تٍكُ فّمّيٍ نُن وُرِيٍ تٌنفٌدٍ بَاسَ نُ نَشٍيٍ رَوَلِمَ رَ مَ. عٍ نَشَ نَ بِرِن شَنِن، عٍ عَ رَوَلِ فٍبَ نُن مِسِثَ تِقٍ رَ.

²³ عَسَ شَ تَرُشُي دْنشْي، عَ شَ فٍرٍيٍ شَ قٍ، عَ شَ تَا تِقٍ شَ قٍ، نُن عَ شَ قٍ بِرِن سّبّشِ يُدَيَ نُن عِسِرَيِلَ مَنفّيٍ شَ تَرُشُي كُي. عَسَ تٌ قٌرِ، قُرٍ ندٍ نَشَ عَ سَنيِيٍ سُشُ.

²⁴ عَسَ نَشَ لَاشِرَ. عٍ نَشَ عَ رَفَتَ فَبُرِ كُي عَ بٍنبَ دَوُدَ شَ تَا عَ بٍنبَيٍ قّ مَ. عَ شَ دِ يٍهٌسَقَتِ نَشَ تِ مَنفّ رَ عَ حْشْي رَ.

²⁵ يٍرٌبٌوَ مِ شَ دِ نَدَبٌ نَشَ تِ عِسِرَيِلَ مَنفّ رَ يُدَيَ مَنفّ عَسَ شَ مَنفّيَ حّ قِرِن ندٍ رَ. نَدَبٌ نَشَ مَنفّيَ شَنِن حّ قِرِن عِسِرَيِلَ بْشِ مَ.

²⁶ عَ نَشَ قٍ رَبَ نَشَن مُ رَقَن عَلَتَلَ مَ، عَ عَ حّرّ عَ بَبَ شَ كِرَ شْن مَ، نَشَن عَ نِيَ عِسِرَيِلَ شَ يُنُبِ رَبَ.

²⁷ عَهِيَ شَ دِ بَاسَ، قَتَنقٍ عِسَكَرِ بْنسْي رَ، نَشَ يَنقَنتٍيَ مَشِرِ عَ شُن مَ. بَاسَ نَشَ عَ قَشَ فِبّتْن، عَ تَن نَدَبٌ نُن عِسِرَيِلَكَيٍ نُ نَ قِلِسِتَكَيٍ فٍرٍقٍ تّمُي نَشّ.

²⁸ بَاسَ عَ قَشَ يُدَيَ مَنفّ عَسَ شَ مَنفّيَ حّ سَشَن ندٍ نّ، عَ تِ عِسِرَيِلَ مَنفّ رَ عَ حْشْي رَ.

²⁹ عَ تٌ قِندِ مَنفّ رَ، عَ نَشَ يٍرٌبٌوَ مِ بْنسْي بِرِن قَشَ. عَ مُ كٍرٍن لُ، عَ عٍ بِرِن سْنتْ نّ، عَلْ عَلَتَلَ نُ بَرَ عَ مَسٍن كِ نَشّ عَننَبِ عَهِيَ سَابُي رَ، نَشَن نُ نَ سِلٌ.