رْ مَ 1:17-23

¹⁷يِ شِبَارُ قَنيِ بَرَ عَ مَكّنّن عَ تِنشِنيِ نَشَن كٍلِمَ عَلَ مَ عَ سْتْمَ دَنشَنِيَ نَن تُن سَابُي رَ، عَلْ عَ سّبّشِ كِتَابُي كُي كِ نَشّ؛ «مِشِ تِنشِنشِ كِسِمَ دَنشَنِيَ نَن سَابُي رَ.»

¹⁸عَلَ شَ شْنّ فٌرٌ مَ كٍلِ كٌورٍ تِنشِنتَرٍيٍ نُن كَاقِرِيٍ شِلِ مَ. يِ مِشِيٍ نْندِ نْشُنمَ عٍ شَ تِنشِنتَرٍيَ سَابُي رَ.

¹⁹عَنُن مِشِ نْمَ نَشَن كٌلٌندٍ عَلَ شَ قٍ كُي، عَ قِيشّشِ عٍ بّ قْين، بَرِ مَ عَلَ بَرَ عَ مَكّنّن عٍ بّ.

²⁰كَبِ دُنِحَ دَا تّمُي، عَلَ نَشَن مُ تٌمَ، عَ نَشَ عَ يّتّ مَسٍن. عَدَ مَدِ بِرِن نْمَ عَ كٌلٌندٍ عَ عَلَ نَ نَ يَتِ، نَشَن سّنبّ مُ دَنمَ، بَرِ مَ يِ بَرَ مَكّنّن عٍ بّ عَ قِيشّ رَ عَ شَ وَلِ قْشِ سَابُي رَ. نَ كُي، تِنشِنتَرٍيٍ مُ نْمَ سٍسٍ قَلَدٍ نَشَن كِيتِ قَنمَ عٍ بّ،

²¹بَرِ مَ هَلِ عٍ تٌ عَلَ كٌلٌنشِ، عٍ بَرَ تٌندِ عَ تَنتُدٍ، عٍ تٌندِ عَ بِنيَدٍ عَ شَ مَنفّيَ كُي. عٍ شَشِلِ بَرَ بِرَ قٍ قُقَقُ قْشْ رَ، عٍ بْحّ بَرَ لُ دِ مِ كُي.

²²عٍ عٍ يّتّ مَتْشْمَ عٍ شَ شَشِلِمَيَ رَ، كْنْ عٍ بَرَ قِندِ دَشُييٍ رَ.

²³عٍ بَرَ تٌندِ عَلَ بَتُدٍ نَشَن نَ نَ عَبَدَن، عٍ كُيٍ مَسٌلِشِيٍ بَتُ نَشٍيٍ مِسَالِشِ عَدَ مَدِ رَ نَشَن قَشَمَ، عَ نُن نَشٍيٍ مِسَالِشِ شْنِ، سُبٍ، نُن بُبُسٍ رَ.